Ońtústiktegi 8 eskertkish - «Uly Jibek joly eskertkishteri»

 ShYMKENT. QazAqparat - «Uly Jibek joly eskertkishteri» atalymy boıynsha 8 eskertkish Ońtústik Qazaqstan oblysynda ornalasqan. Olar - Saýran, Túrkistan, Sıdaq, Qaraspan, Jýantóbe, Kúltóbe, Otyrar, Bórjar eskertkishteri. Bul týraly búgin oblys ákimi J.Túımebaev «Qazaqstannyń Uly Jibek jolyna saıahat» halyqaralyq festıvali aıasynda ótip jatqan «Ontustik Tourism. Invest 2017» týrıstik, ınvestıtsııalyq forýmynda aıtty.

«Elbasynyń «100 naqty qadam» Ult josparyna sáıkes «Qazaqstan Respýblıkasynyń týrıstik salasyn 2023 jylǵa deıin damytý tujyrymdamasy» bekitildi. Ońtústik Qazaqstan oblysy «Uly Jibek jolyn qaıta jańǵyrtý klasterine» engizilip, klaster «Uly Jibek jolynyń júregi» retinde sıpattalyp otyr. 1200-den astam tarıhı-arheologııalyq, mádenı-arhıtektýralyq eskertkishteri, Uly Jibek joly aýmaǵyndaǵy eń tanymal jáne tarıhı qundylyǵy joǵary, ıÝNESKO-nyń dúnıejúzilik mádenı muralar tizimine engen Qoja Ahmet ıAsaýı kesenesi ornalasqan Ońtústik Qazaqstan oblysy atalǵan mártebeni alýy - biz úshin úlken abyroı jáne jaýapkershilik», - dedi ákim.

Sonymen qatar óńir basshysy oblystyń týrızmin damytý maqsatynda birqatar mańyzdy jobalardyń júzege asyrylyp jatqanyn atap ótti.

Onyń aıtýynsha, Shymkenttiń eski qalashyǵy aýmaǵynda ashyq aspan astyndaǵy murajaı ashylyp, Ábý Nasyr Ál-Farabı dúnıege kelgen Oqsyz qonysyn jáne Abylaı hannyń Ordasy ornalasqan Hanqorǵandy qalpyna keltirip, týrıster aǵynyn ulǵaıtý jáne Qazyǵurt pen Ordabasy aýdandarynda álemdik standartqa sáıkes servısi men týrıstik ınfraqurylymy bar brendke aınaldyrý boıynsha belsendi jumystar júrgizilip jatqanyn jetkizdi.

Sondaı-aq, oblys ákimi Qoja Ahmet ıAssaýı kesenesine keletin otandyq jáne sheteldik týrısterdiń aǵymyn eskere otyryp, onyń tarıhyn jáne aımaǵyn álemdik murajaılar úlgisinde aýdıo-vıdeo vızýalızatsııalaý jasalyp jatqanyn jáne orta ǵasyrda Otyrar kóne qalashyǵy men Arystanbab kesenesin baılanystyrǵan joldy qalpyna keltire otyryp, sol jol boıynda ulttyq qolóner sheberhanalaryn ornalastyrý josparlary iske asyrylatynyn aıtty.

Aıta keteıik, búgin Ońtústik Qazaqstan oblysynda alǵash ret «Qazaqstannyń Uly Jibek jolyna saıahat» halyqaralyq festıvali aıasynda eki kúndik «Ontustik Tourism. Invest 2017» týrıstik, ınvestıtsııalyq forýmy óz jumysyn bastady.

Onda sala mamandary Uly Jibek jolynda týrızm ındýstrııasyn damytýdyń ózekti máseleleri men Jibek joly boıyndaǵy týrıstik ónimderdi damytý, óńirdiń ınvestıtsııalyq múmkindikterin tanystyra otyryp, ınvestorlardy tartý jaıy qaralýda.