Ońtústiktegi 104 tarıhı-mádenı eskertkish qaıta jóndeýden ótedi

ShYMKENT. QazAqparat - Ońtústik Qazaqstan oblysynda «Rýhanı jańǵyrý» baǵdarlamasy aıasynda 104 tarıhı-mádenı eskertkish qaıta jóndeledi. Bul týraly «Mıras» qoǵamdyq keńesiniń májilisinde aıtyldy, dep habarlaıdy QazAqparat tilshisi.

Jıynda oblys kólemindegi kıeli jerler tizimine engen tarıhı eskertkishterdiń kútý týraly sóz boldy. Mamandardyń aıtýynsha, qazir aımaqta Ordabasy taýyndaǵy  jáne Sozaqtaǵy «Tańbaly tas» eskertkishterinde, Otyrar qalashyǵynda  zertteý jumystary júrgizilýde. Osy maqsatta oblystyq bıýdjetten arnaıy qarjy qaralýda.

«Mádenı muralardy keńinen nasıhattaý maqsatynda ótken jyly anımatsııalyq fılmder túsirilgen bolatyn. Bul fılmder halyq arasynda úlken qyzyǵýshylyq tanytty.  Bıyl taǵy da kitaptar shyǵaryp, derekti fılm túsirý isi qolǵa alynbaq.  «Han Qorǵan» qalashyǵyn anyqtaý maqsatynda da birqatar jumystar jasalyp jatyr»,- deıdi oblystyq mádenıet jáne tilderdi damytý basqarmasy tarıhı mádenı muralardy saqtaý bóliminiń basshysy Elvıra Momynova.