Ońtústikte jer qoınaýyn paıdalanýshylar jańadan salynǵan joldardyń toz-tozyn shyǵarǵan

TÚRKІSTAN. QazAqparat – Túrkistan oblysynda jer qoınaýyn paıdalanýshylar jańadan salynǵan joldardyń toz-tozyn shyǵarǵan. Ásirese tonnalap qum-shaǵyl qospasyn tasıtyn júk kólikteri 300 shaqyrym joldy jaramsyz kúıge túsirgen, dep habarlaıdy QazAqparat tilshisi.

Oblystyq jol aktıvteri ulttyq sapa ortalyǵy baspasóz qyzmetiniń málimetinshe, óńirde qıyrshyq tas qazatyn 157 ken orny bar. Al, joldardy buzý jáıtteri Sozaq, Kentaý, Saıram, Túlkibas, Tólebı, Saryaǵash aýdandarynda oryn alǵan.

Bul aýdandarda karer ıelerine tabıǵatqa zalal keltirgeni úshin byltyr 6 mln teńgeden astam aıyppul salynǵan. Infraqurylymdy búldirgeni úshin basym kópshiligi jaýapqa tartylmaı qalǵan.

Tártip boıynsha júk kólikteriniń salmaǵy 8 tonnadan aspaýy kerek. Alaıda óńirde muny qadaǵalaıtyn eki-aq mobıldi top bar bolyp shyqty. Zańsyz tasymaldaýshylardy bárin birdeı quryqtaýǵa olardyń kúshi jetpeıdi. Sol sebepti mıllıardtaǵan teńgege jasalǵan joldar jyl ótpeı jatyp, jaramsyz kúıge túsetini belgili.

Aıta keteıik, oblys aýmaǵynda júk kólikterine júrýge ruqsat etilgen 1067 shaqyrym jol bar.