Ońtústikte Naýryzda 500 atty adam fleshmob ótkizdi

ShYMKENT. QazAqparat - Ońtústik Qazaqstan oblysynda ótken Naýryz merekesinde 500 atty adam fleshmob ótkizdi. Qasıetti Qazyǵurt taýynyń baýraıynda ótken sharada túrli qoıylymdar men kontsertter uıymdastyryldy, dep habarlaıdy QazAqparat tilshisi.

Merekelik sharada Elbasymyzdyń «Bolashaqqa baǵdar: rýhanı jańǵyrý» jobasy boıynsha da erekshe qoıylymdar qoıyldy. Solardyń birinde «Rýhanı jańǵyrý» baǵdarlamasyndaǵy sımvolıkalyq qus Astanadan ushyp, Qazaqstan jerin aralap shyǵady. Sodan Ońtústik Qazaqstan oblysyna kelip, Qazyǵurt taýynyń basyna qonady. Bul kórinis kópshilikke 3D formatta led ekranda kórsetildi. Keıin taýǵa qonǵan qusty 500 atty adam Qazyǵurt taýynyń bókterinde jalaýshalarmen beıneledi. Taý eteginde kórsetilgen qoıylymǵa 550 adam men 500 at qatysty. Bul kompozıtsııa Nursát Beıseqojaevtyń «Rýhanı jańǵyrý» ánimen súıemeldendi.

Aıryqsha teatrlandyrylǵan qoıylymdarmen kómkerilgen merekede Dıhan baba shaqyrylyp, qys ketedi. Kóktemniń kelýine oraı gúldiń ishinen Kóktem qyzdyń shyǵýy kórsetildi. Sondaı-aq, 500-ge jýyq kógershin kókke ushyryldy. Osylaısha ulyq mereke qasıetti taýda ulyqtaldy.