Ońtústikke beriletin suıytylǵan munaı gazynyń kólemi artýda
Spıkerdiń habarlaýynsha, Zań aıasynda mınıstrlikke oblysqa qajetti suıytylǵan kógildir otyn gaz taratýshy uıymdarynyń suranystary negizinde ár aıda ótinim berilip, ol komıssııa otyrysy tártibimen kólemderi aıqyndalyp bólinedi. «Osyndaı tártippen maýsym aıynda oblysqa 6300 tonna kóleminde gaz berilse, ol ótken aımen salystyrǵanda 500 tonnaǵa artyq. Al shilde aıyna 6500 tn-ǵa kóterilip otyr. Degenmen, búgingi tańda oryn alyp otyrǵan qajettilikti eskerip, oblys ákimdigi tarapynan shuǵyl sharalar qabyldanyp qosymsha 2 myń tn. suıytylǵan munaı gazyna óttinim berilip, onyń 500 tonnasy qoldaý taýyp otyr»,-dedi jaýapty sala basshysy. Brıfıngte belgili bolǵandaı óńirde 1,3 mln. halyq suıytylǵan munaı gazyn paıdalanyp otyr, ıaǵnı basqarma tarapynan jasalǵan boljamdy esep boıynsha turǵyndardyń qajettiligi aıyna 6 100 tonnany quraıdy. Budan bólek, oblysta avtokólikterdiń únemdi, ekologııalyq taza otynǵa ótýi óte qarqyndy túrde júrgizilip jatyr. Olardyń ishinde resmı tirkelgen syǵymdalǵan gazben júretin 13 888 avtokólik bar. Sonymen qosa gaz otynyna aýystyrylyp tehnıkalyq tólqujatyn zańdy rásimdemegen kólikter qatary kóp. Osyndaı jaǵdaıǵa baılanysty, aımaqtaǵy beketterde gaz tapshylyǵy týyndap otyr. Baspasóz máslıhatyn qorytyndylaǵan spıker aldaǵy aıda mınıstrlikte ótetin májiliske joǵaryda atap ótken málimetterdiń barlyǵyn zańdy qujattarmen rásimdep, oblystyń suıytylǵan munaı gazyna qajettiligin qanaǵattandyrý úshin gaz kólemin tıisti deńgeıge kóterýdi josparlap otyrǵandyǵyn jetkizdi, dep habarlaıdyOQO ákiminiń baspasóz qyzmeti.