Ońtústikqazaqstandyqtar Otan qorǵaýshy kúnin atap ótti

ShYMKENT. QazAqparat - Ońtústik Qazaqstan oblysynda «7 mamyr  -  QR Otan qorǵaýshylar kúnine» arnalǵan merekelik is-shara ótti. Saltanatty jıynǵa Shymkent qalasynyń ákimi N.Saýranbaev qatysyp, jınalǵandardy aıtýly merekemen quttyqtady, dep habarlaıdy  QazAqparat OQO ákiminiń baspasóz qyzmetine silteme jasap.

Munan soń, eldiń qorǵanys qabiletin kúsheıtýge, ulttyq qaýipsizdikti qamtamasyz etýge, azamattardyń múddeleri men quqyqtaryn, zańdylyqty qorǵaýǵa úles qosqan 21 azamatqa «Minsiz qyzmeti úshin» medali, oblys ákiminiń gramotasy men alǵys haty tapsyryldy.

Aıta keteıik, bıyl Qazaqstannyń Qarýly Kúshteriniń qurylǵanyna 26 jyl. Ýaqyt talabyna saı áskerimiz jańaryp, onyń kúsh-qýaty jyldan-jylǵa nyǵaıyp keledi. Al bul óńir - elimizdiń Ońtústik qaqpasy. Aımaqta Shymkent gornızonyna qarasty 10 áskerı qurylymdyq bólimder Ońtústik shekaranyń tutastyǵy men tynyshtyǵyn saqtaýda qyzmet etýde.

 

Saltanatty jıyn arnaıy daıyndalǵan merekelik kontsertke ulasty. Shara sońynda jınalǵandar «Otar» áskerı bazasynda ótken saltanatty sherýdi tikeleı efırden tamashalady.