Ońtústikqazaqstandyqtar Elbasynyń latyn álipbıine kóshý týraly sheshimine qoldaý bildirdi

ShYMKENT. QazAqparat - Ótken aptada Elbasy Nursultan Nazarbaev qoǵamda qyzý talqyǵa túsken qazaq tili álipbıin latyn grafıkasyna kezeń kezeńimen jáne júıeli túrde kóshirý týraly Jarlyqqa qol qoıdy. Elbasynyń bul tarıhı ári saıası sheshimi ońtústikqazaqstandyqtardyń da erekshe qoldaýyna ıe bolyp otyr. Osynaý taǵlymdy sheshimdi qoldaý maqsatynda bir top ońtústikqazaqstandyq zııalylar Elbasynyń atyna arnaıy hattar joldaýda. Solardyń biri - Ońtústik Qazaqstan oblystyq Qazaqstan halqy Assambeleıasy janyndaǵy qoǵamdyq kelisim keńesiniń tóraǵasy Orynbaı Rahmanberdıevke tıesili.

«Qurmetti asa mártebeli Nursultan Ábishuly! Siz ótken aptada qazaq mádenıeti men rýhanııaty úshin talaı ýaqyttan beri qoǵam talqysynda júrgen qazaq álipbıin latyn grafıkasyna kóshirý týraly taǵylymdy sheshim qabyldadyńyz. Kún tártibindegi máseleni ǵalymdarmen, sala mamandarymen aqyldasyp, kópshilik maquldaǵan jańa álipbıdi bekitip berdińiz», - deıdi óz hatynda Orynbaı Rahmanberdıev.

Dál osyndaı qoldaý hatyn ІV, V shaqyrylymdaǵy QR Parlamenti Májilisiniń depýtaty Rozaqul Halmuradov ta joldapty. Onda: «Ǵalamdyq báseke-jarystyń táýekeldiligin durys paıymdap, qazaq tilin latyn grafıkasyna ótkizý jóninde tarıhı sheshim qabyldadyńyz. Bul baıtaq Qazaqstan úshin taǵdyrsheshti qadam boldy. Biz álipbıdi ǵana emes, qoǵamdyq sanany, jalpyǵa ortaq oılaý júıesin transformatsııalaý boıynsha sheshim qabyldadyq»,- delingen.

Nursultan Nazarbaevtyń atyna oblysymyzdaǵy birqatar etnomádenı birlestikterdiń de basshylary qoldaý hatyn joldady. Atalǵan hatta oblystyq grýzın etnomádenı birlestiginiń tóraǵasy Z. Bochorıshvılı, koreı etnomádenı ortalyǵynyń tóraıymy R. Pak, tatar-bashqurt birlestiginiń basshysy A. Mýhamedova, grek etnomádenı birlestiginiń jetekshisi D. Sıdıropýlo, ıran etnomádenı birlestiginiń tóraǵasy N. Kapar-Pýr, kúrd etnomádenı birlestiginiń basshysy A. Nadırov, uıǵyr etnobirlestiginiń jetekshisi G. Temırova, tájik etnomádenı ortalyǵynyń basshysy ıÝ.Sýltanov, nemis etnobirlestiginiń jetekshisi I. Bahman, túrik etnomádenı ortalyǵynyń basshysy L. Asanovtardyń qoly qoıylǵan.

Elbasy Jarlyǵyna oraı búgin M. Áýezov atyndaǵy Ońtústik Qazaqstan memlekettik ýnıversıtetiniń stýdent jastary «Latyn álipbıine kóshý - qazaq tiliniń halyqaralyq dárejege shyǵýyna jol ashady» degen arnaıy úndeý jarııalady. Onda: «Qazirgideı qýatty memlekette ómir súrip jatqan kezeńde biz halyq bolyp bul jazýdy qoldap alyp ketpesek, órkenıetti elderdiń qataryna ilese almaımyz»,-delingen.

Búginde əlemniń 70 paıyzǵa jýyq elderi latyn jazýy arqyly bilimdi ıgerip, ǵylymı-zertteýlermen aınalysady. ıAǵnı, bilim, ǵylym, saıasat pen tehnıka, mədenıet pen óner, t.b. salalarǵa qatysty jazbasha aqparattyń barlyǵy derlik latyn grafıkasymen beriledi, qoǵam ómirindegi jańalyqtardyń basym bóligi osy grafıkanyń negizinde jurtshylyqqa taralady.