Ońtústik jastary polıtseılerge kómektesetin boldy

ShYMKENT. QazAqparat - Ońtústik Qazaqstan oblysynda jastar polıtseılerge kómektesetin boldy. Qazirdiń ózinde 500 jas tártip saqshylarynyń kómekshileri retinde qyzmetke qabyldanyp, qoǵamnyń tynyshtyǵyn baqylaıdy, dep habarlaıdy «QazAqparat HAA tilshisi.

Polıtseılerge kómek kórsetýge kelgender arnaıy logotıpi bar kıimdermen qamtamasyz etiledi. Oblystyq jastar saıasaty máseleleri jónindegi basqarma basshysy Balmarjan Narbekovanyń sózinshe, ıgi joba memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasy aıasynda qolǵa alynyp otyr. Qazir barlyq aýdan, qalalardan kelgen 18-29 jas aralyǵyndaǵy 500 jastyń biliktiligin arttyrý maqsatynda 5 kúndik quqyqtyq oqytý-jattyǵý semınary ótýde. ıAǵnı, polıtsııaǵa kómekshiler úshin sabaq QR ІІM Baýyrjan Momyshuly atyndaǵy oqý ortalyǵynyń ǵımaratynda tamyzdyń 9-na deıin ótedi. Semınar sabaqtar aıaqtalǵan soń, jas kómekshiler  oblys ákimi Janseıit Túımebaevtyń dıplomymen marapattalady. Jastardy yntalandyrý maqsatynda qarjylaı syıaqy tapsyrylady. Sodan keıin olar tártip saqshylarynyń janynda júrip, qoǵamnyń tynyshtyǵyn baqylaıdy dep josparlanyp otyr.