Ońtústik koreıalyqtar resmı túrde bir-eki jasqa «jasarady»

SEÝL. QazAqparat – 28 maýsymda Ońtústik Koreıada adam jasyn esepteýdiń halyqaralyq júıesine uqsas erejelerdi engizetin zań resmı túrde kúshine enedi. «Koreılik tásil» joıylady - respýblıka azamattary bir-eki jasqa «jasarady», dep habarlaıdy QazAqparat mir24.tv-ǵa silteme jasap.

Tıisti zańdy ótken jyldyń sońynda parlament qabyldaǵan bolatyn.

Jańa týǵan náresteni nól jastan tirkep, sodan keıin týǵan kúninde bir jastan qosyp otyratyn álemdik jasty esepteý júıesi Ońtústik Koreıada 1960 jyldan beri qoldanylyp keledi. Degenmen, ol tek medıtsınada qoldanylady – naýqastyń fızıkalyq jasyn anyqtaý úshin, sondaı-aq sotta jáne basqa da salalarda daýlar bolǵan kezde.

Kóptegen basqa jaǵdaılarda, mysaly, jas koreılikke alkogoldi qaı ýaqyttan bastap satýǵa bolatynyn bilý úshin dástúrli júıeler qoldanylady. Ońtústik Koreıada ondaı júıe ekeý. Birinshiden: jańa týǵan nárestege bir jas «taǵaıyndalady», sodan keıin aı kúntizbesi boıynsha jańa jyldyń birinshi kúni bir jas qosylady. Ekinshiden: týǵan kezde nól jas jazylady, al ár jyldyń 1 qańtarynda jasy ulǵaıtylady.

Nátıjesinde, 28 maýsymda bolatyn standartty jas sanaý júıesine kóshken kezde, eldiń keıbir turǵyndary qujattar boıynsha bir jyl nemese tipti eki jyl joǵaltady. Mysaly, 2002 jyly 31 jeltoqsanda dúnıege kelgen Koreıa azamaty 8 jeltoqsanda halyqaralyq júıe boıynsha 19 jasqa toldy, al respýblıkada qabyldanǵan eki júıe boıynsha – 20 nemese 21 jasta, dep jazady Time jýrnaly.