Ońtústik Koreıaǵa zańsyz barǵan qazaqstandyqtar elge jasyl dáliz arqyly oralmaq
Ońtústik Koreıada zańsyz mıgranttardyń memleket aýmaǵynan óz erkimen ketýine berilgen merzim 31 jeltoqsanda aıaqtalady. Buǵan deıin biz Koreıa aýmaǵynda 2 myń 847 qazaqstandyqtyń zańsyz negizde jumys istep jatqany habarlanǵan. Sol azamattarymyzdyń bireýi telearna tilshisine suhbat bergen.
Jigit ózin Jarqynbek dep tanystyrǵan. Aıtýynsha, Ońtústik Koreıaǵa bıylǵy jyldyń aqpanynda kelip, tólqujatyn joǵaltyp alypty. Jergilikti turǵyndar onyń qujaty men ámııanyn Qazaqstan elshiligine ákelip bergen. Keıin barlyq zattary ózine qaıtaryldy. Endi zańsyz jolmen koreı eline barǵan otandasymyz «jasyl dáliz» arqyly Qazaqstanǵa oralýǵa nıettenip otyr.
«Kirpish tasý, qap tasý, tsement tasý - sondaı jumystar. Bul jerde men 15 kún jumys istesem, 15 kún istegen joqpyn. Jumys isteý kerek bul jerde. Toqtamaı isteý kerek, sonda tabasyń aqshany, deıdi Jarqynbek.