Ońtústik Koreıaǵa vıza jasap berem dep 5 adamdy aldaǵan qyzylordalyq áıel ustaldy

QYZYLORDA. QazAqparat - Qyzylorda qalasynda Ońtústik Koreıaǵa jumysqa turǵyzýǵa vıza qujatyn rásimdep bere alatynyn aıtyp, birneshe adamnan aldap aqsha alǵan alaıaq qolǵa tústi, dep habarlaıdy QazAqparat tilshisi.

Qyzylorda qalalyq polıtsııa basqarmasynyń kezekshi bólimine 49 jastaǵy qala turǵyny aryzdanǵan.

Aıtýynsha, beıtanys adam Ońtústik Koreıaǵa jumysqa turǵyzýǵa vıza qujatyn daıyndap berýge ýáde etip, aldap ketken.

Kelgen shyǵyn - 1 mln 500 myń teńge.

Sol kúni polıtsııaǵa qalanyń taǵy tórt turǵyny alaıaqtyq deregi boıynsha aryz túsirgen.

Oalardan jumys aqysy úshin alaıaq 700 myń teńgeden alǵan.

Jalpy kelgen shyǵyn - 4 mln 300 myń teńge.

«Jedel izdestirý nátıjesinde kúdikti polıtsııa bólimine jetkizdi. Orta jastaǵy azamatshanyń jalǵan aqparat berip, aqshany óz qajetine jumsaǵany belgili boldy. Atalǵan derek boıynsha QR Qylmystyq kodeksiniń 190-babynyń 1-bóligi boıynsha sotqa deıingi tergeý júrip jatyr», - dep málim etti Qyzylorda qalalyq polıtsııa basqarmasynan.

Eske sala keteıik, Qyzylordada 14 adamdy san soqtyrǵan alaıaqqa sot úkimi shyqty.