Ońtústik Koreıadaǵy eńbek mıgranttaryna qatysty másele qalaı sheshilmek
Aıta keteıik, bıyl sáýir aıynda Májilis depýtattary Koreıadaǵy qazaqstandyq eńbek mıgranttary týraly másele kóterdi.
«2014 jylǵy 29 qarashadan bastap Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy vızalyq talaptardy ózara joıý týraly kelisim qoldanysqa endi. Kelisimge sáıkes eki eldiń azamattary týrıstik, jeke, iskerlik, mádenı jáne medıtsınalyq maqsattarmen Taraptar aýmaǵyna vızasyz barady jáne onda 30 kúnge deıingi merzimde bola alady. Sonymen birge, jumysqa ornalasýǵa, oqýǵa, turaqty turýǵa jáne mıssıonerlik qyzmet atqarýǵa baratyn Taraptardyń azamattary úshin vızalyq talaptar saqtalady. Alaıda, QR azamattarynyń basym bóligi osy jeńildetilgen tártipti Ońtústik Koreıada zańsyz jumys isteý maqsatynda asyra paıdalana bastady. Atap aıtqanda, QR azamattary Koreıanyń memlekettik shekarasynan ótken kezde kelý maqsatyn týrıst retinde kórsetip, elde zańsyz jumysqa ornalasýda», - dep jazdy M. Tileýberdi óz jaýabynda.
Mınıstrlik málimetinshe, 2020 jylǵy 31 jeltoqsandaǵy jaǵdaı boıynsha Ońtústik Koreıa aýmaǵynda zańsyz eńbek mıgranttary retinde júrgen qazaqstandyqtardyń sany - 8902 adam (2019 jyly – 10 707 adam, 2018 jyly – 11 413 adam).
QR Premer-Mınıstri orynbasarynyń 2020 jylǵy 10 qańtardaǵy tapsyrmasyna sáıkes, Koreıa Respýblıkasynyń sheteldik eńbek kúshterin maýsymdyq jumysqa tartý baǵdarlamasyna (The Seasonal Worker) sáıkes, QR Eńbek jáne halyqty áleýmettik qorǵaý mınıstrligi (EHÁQM) ázirlegen koreı tarapynyń Qazaqstan azamattaryn Ońtústik Koreıanyń aýyl jáne balyq sharýashylyǵy salasyna maýsymdyq jumystarǵa tartý jónindegi usynysy osy eldiń tıisti mekemeleri men jergilikti provıntsııalarynyń ákimshilikterine qarastyrýǵa joldandy.
Alaıda, Ońtústik Koreıanyń ýákiletti organdary atalǵan usynysty iske asyrýǵa qyzyǵýshylyq tanytpady. Bul sheshimniń basty sebebi - «Covid-2019» indetiniń órshýine baılanysty engizilgen karantındyq shekteýler jáne qazaqstandyqtardyń kásiptik ıkemdiligi atalǵan baǵdarlamaǵa engizilgen salalarǵa (teńiz balyq sharýashylyǵy, kúrish óndirý salasy jáne t.b.) saı kelmeýi.
«Men 2020 jylǵy 25-26 qarasha aralyǵynda Seýl qalasynda «Ortalyq Azııa - Koreıa Respýblıkasy» yntymaqtastyq forýmynyń 13-shi otyrysy aıasynda Ońtústik Koreıa Syrtqy ister mınıstrimen bolǵan kelissózder barysynda koreıalyq Employment Permit System – EPS («Eńbek ruqsattary júıesi» - ERJ) sheteldikterdi jumysqa ornalastyrý júıesine qosylý máselesin kóterdim jáne koreı tarapy oǵan jalpy qarsylyq bildirmedi. Atalǵan ERJ-ge qosylý úshin Koreıanyń jaýapty memlekettik mekemeleri Qazaqstannyń tıisti memlekettik organymen (QR EHÁQM) jumys kúshin jaldaý týraly negizdemelik kelisim jasasýy tıis. Koreıalyq taraptyń negizgi talaby - Qazaqstan Ońtústik Koreıaǵa eńbek mıgranttaryn jiberýmen aınalysatyn arnaıy memlekettik mekemeni qurýy qajet», - jep jaýap berdi Úkimet basshysynyń orynbasary.
Qazirgi tańda QR Prezıdenti Ákimshiliginiń tıisti tapsyrmasyn oryndaý maqsatynda Úkimet kelesi usynystardy qamtyǵan Jol kartasyn ázirleýde:
1) EHÁQM janynan Kóshi-qon komıtetin qurý;
2) EHÁQM platformasynda kóshi-qon aǵynyn retteý jónindegi aqparattyq júıeni ázirleý, qazaqstandyq jáne sheteldik eńbek mıgranttaryna qatysty barlyq aqparattyq júıelerge tıisti yqpaldastyrýdy júrgizý;