Ońtústik Koreıada júk kóligi bir top adamdy qaǵyp ketti, úsh adam qaza tapty

SEÝL. QazAqparat - Koreıa Respýblıkasynyń ońtústik-batysynda aýylsharýashylyq kooperatıviniń basshysyna daýys berýge kezekte turǵan bir torp adamdy júk kóligi qaǵyp ketti, saldarynan keminde úsh adam qaza taýyp, taǵy 17 adam jaraqat aldy, dep habarlaıdy QazAqparat «Sınhýa» agenttigine silteme jasap.

Jergilikti ýaqyt boıynsha tańǵy saǵat 10:30 shamasynda Seýlden ońtústikke qaraı 240 shaqyrymdaı jerdegi Sýnchang qalasyndaǵy aýylsharýashylyq kooperatıvi ǵımaratynyń turaǵynda tyńaıtqysh tıelgen úlken júk kóligi shamamen 20 adamnan turatyn topty qaǵyp ketken.

Úsh adam qaza taýyp, taǵy bes adam aýyr jaraqat aldy. Qurbandardyń kópshiligi qart adamdar bolǵandyqtan, qaza tapqandar sany artýy múmkin.

20 adam jeńil jaraqat aldy. Olar da jaqyn mańdaǵy aýrýhanalarǵa jetkizildi.

Júk kóliginiń júrgizýshisi, jasy 70-ter shamasyndaǵy er adam oqıǵa ornynda tutqyndaldy.

Polıtsııa apattyń naqty sebebin anyqtap jatyr, sebebi bul kólik júrgizýdiń nasharlyǵyna baılanysty bolýy múmkin.