Ońtústik Koreıada vaktsınatsııa sertıfıkaty barlyq jerge «ruqsat qujaty» bolmaq
Ońtústik Koreıa vaktsınatsııa sertıfıkatyn kez kelgen jaǵdaıǵa «ruqsat qujaty» etýge nıetti. COVID-19 tólqujaty – bul jappaı is-sharalarǵa, túrli qoǵamdyq oryndar men memlekettik mekemelerge esh shekteýsiz kirý quqyǵy. Osyndaı usynysty Úkimettiń pandemııadan keıingi kezeńge ótý jónindegi komıtetiniń otyrysynda Premer-mınıstr Kım Bý Gem bildirdi. Sonymen qatar, epıdemıologııalyq jaǵdaıdyń jaqsarýyna qaramastan, maskany mindetti túrde taǵýdyń kúshi joıylmaıtyny atap ótildi. Pandemııa bastalǵannan beri Ońtústik Koreıada koronavırýs ınfektsııasynyń 335 742 faktisi tirkeldi.
Amerıka Qurama Shtattarynyń eń iri Boeing avıakompanııasy qyzmetkerlerinen vaktsına alǵandaryn rastaýdy talap etti. Kompanııa basshylyǵy amerıkalyq merdigerler úshin AQSh prezıdenti Djozef Baıden shyǵarǵan buıryqty ustanatynyn túsindirdi. Qujatqa sáıkes, qyzmetkerleriniń jalpy sany 100-den asatyn kompanııalar óz qyzmetkerlerinen COVID-19-ǵa qarsy vaktsınatsııany talap etýi kerek. Ushqyshtar, stıýardessalar jáne qyzmetkerler jumysty jalǵastyrý úshin 8 jeltoqsanǵa deıin vaktsınatsııa sertıfıkattaryn nemese medıtsınalyq anyqtama usynýy qajet.