Ońtústik Koreıada pandemııa bastalǵannan bergi eń kóp táýliktik kórsetkish tirkeldi
13:51, 08 Shilde 2021
SEÝL. YONHAP-QazAqparat – Ońtústik Koreıada beısenbi kúni pandemııanyń basynan bergi eń kóp táýliktik kórsetkish tirkeldi, dep habarlaıdy QazAqparat YONHAP agenttigine silteme jasap.
El pandemııanyń jańa tolqynyna daıyndyq ústinde, bılik vırýspen kúresý úshin qatań sharalar engizý máselesin qarastyryp jatyr.
Koreıanyń Aýrýlardy baqylaý jáne aldyn alý agenttiginiń (KDCA) deregine saı, elde COVID-19 juqtyrýdyń jańa 1 275 jaǵdaıy, sonymen qatar 1 227 jergilikti ınfektsııa tirkelgen. Nátıjesinde koronavırýs juqtyrǵandardyń jalpy sany 164 028-ge jetti.
Bul – ótken jyldyń 20 qańtarynan bergi eń kóp kórsetkish. Ol kúni eldegi koronavırýs juqtyrýdyń alǵashqy jaǵdaıy anyqtalǵan edi.
Odan bólek, birinshi ret eldegi vırýs juqtyrǵandardyń táýliktik kórsetkishi qatarynan eki kún 1 200-den asyp tur.
Qaıtys bolǵandar sany 2 034-ke deıin kóbeıdi.