Ońtústik Koreıada omıkron XL shtamyn juqtyrǵan alǵashqy naýqas tirkeldi

SEÝL. QazAqparat – Ońtústik Koreıa bıligi koronavırýstyń omıkron XL shtamyn juqtyrýdyń birinshi deregi tirkelgenin rastady. Bul týraly eldiń juqpaly aýrýlarmen kúres jónindegi shtaby málim etti, dep habarlaıdy QazAqparat «Renhap» agenttigine silteme jasap.

XL gıbrıdti shtamyn juqtyrǵan naýqas 23 naýryzda qaıta egilgen. Odan aýrýdyń belgileri qatty baıqalmaıdy.

Koreıa aýrýlardy baqylaý jáne aldyn alý agenttiginiń málimetterine sáıkes, elde COVID-19 ınfektsııasyn 210 755 adam jańadan juqtyrǵan. Naýqastar sany 15 635 274 adamǵa jetip otyr.

Eldiń qoǵamdyq densaýlyq saqtaý agenttiginiń habarlaýynsha, 171 naýqas qaıtys bolǵan.

Al, buǵan deıin Úndistanda omıkron XE koronavırýsynyń jańa túri tirkelgen bolatyn.