Ońtústik Koreıada qus tumaýynyń oshaǵy anyqtaldy

SEÝL. YONHAP-QazAqparat – Ońtústik Koreıada jabaıy qustar arasynda qus tumaýynyń oshaǵy anyqtaldy. Bul jaǵdaı eldegi qus fabrıkalaryna indet juqtyrý qaýpin týdyryp otyr, dep habarlaıdy QazAqparat YONHAP agenttigine silteme jasap.

Ońtústik Koreıanyń aýyl sharýashylyǵy mınıstrliginiń málimetinshe, aýrýǵa shaldyǵýdyń sońǵy oqıǵasy Ońtústik Chhýnchhon provıntsııasyndaǵy Chhonan ortalyq qalasynan anyqtalǵan. Bul aǵymdaǵy jyldyń 30 naýryzynan beri qus tumaýyna shaldyǵýdyń birinshi oqıǵasy boldy.

Mınıstrlik elde eskertý deńgeıin joǵary qyzyl belgige deıin kóterip, karantın jáne qaýipsizdik sharalaryn engizdi. Vırýs juqtyrý anyqtalǵan jer 500 metr radıýsta qorshalyp, jaqyn ornalasqan fermalarǵa 21 kún boıy kirýge jáne odan shyǵýǵa shekteý qoıyldy.

«Bul – bıylǵy maýsymda rastalǵa alǵashqy jaǵdaı. Vırýsqa qarsy sharalar qatań saqtalýy tıis», - dedi mınıstrlik ókili.