Ońtústik Koreıada koronavırýstan ólim sany boıynsha antırekord tirkeldi

SEÝL. YONHAP-QazAqparat – Koreıa Respýblıkasynda 22 jeltoqsan kúni koronavırýsqa shaldyqqan 109 adam qaıtys boldy, bul – eń joǵary táýliktik kórsetkish, dep habarlaıdy QazAqparat YONHAP agenttigine silteme jasap.

Koreıanyń Aýrýlardy baqylaý jáne aldyn alý agenttiginiń (KDCA) derekteri boıynsha, elde taǵy 6 919 vırýs juqtyrý jaǵdaıy (6 856-sy – jergilikti) tirkelip, vırýs juqtyrǵandar sany 589 978-ge jetti.

Seısenbi kúni kórsetkish 5 202 bolǵan, al sársenbi kúni 7 456 juqtyrý jaǵdaıy tirkelgen. Beısenbi kúni juqtyrý jaǵdaıy azaıdy. Qarashanyń sońynan bastap 4-7 myń juqtyrý jaǵdaıy tirkelip otyrǵan.

KDCA habarlaýynsha, 1 083 naýqastyń jaǵdaıy aýyr, onyń aldyndaǵy rekord sársenbi kúngi 1 063 bolǵan.

Elde bir táýliktiń ishinde 109 adam vırýstan kóz jumdy, saldarynan ólim sany 5 015-ke jetti. Osylaısha, Ońtústik Koreıada ólim úlesi 0,85% bolyp otyr.