Ońtústik Koreıada koronavırýs juqtyrǵandar sany qaıta kóbeıdi

SEÝL. YONHAP-QazAqparat – Koreıanyń Aýrýdy baqylaý jáne aldyn alý agenttiginiń (KDCA)málimetinshe, elde COVID-19 jutyrýdyń taǵy da 2427 jaǵdaıy tirkelip, aýrýǵa shaldyqqandardyń jalpy sany 325804-ke jetti, dep habarlaıdy QazAqparat YONHAP agenttigine silteme jasap.

Kún saıynǵy aýrý juqtyrý jaǵdaılary sársenbi kúni taǵy da 2 myńnan asty, dúısenbi jáne seısenbide testiler sanynyń azdyǵynan ınfektsııaǵa shaldyqqandar sany 2 myńnan kem bolǵan edi.

Ońtústik Koreıada 26 qyrkúıekten bastap kúnine 2000-nan astam jaǵdaı tirkelgen, Chýsok merekesinen keıin alǵash ret kúndelikti anyqtalǵan koronavırýs jaǵdaılarynyń sany 3000-nan asty.

Aýrý juqtyrýdyń «syrttan» ákelingen jańa jaǵdaılarynyń sany 27-ge jetti, olardyń jalpy sany 14 617 jaǵdaı.

KDCA málimetteri boıynsha, búkil el boıynsha aýyr belgileri bar naýqastardyń sany 375-ke jetti, olardyń sany bir kún buryn 354 bolǵan.

Elde COVID-19-dan taǵy segiz adam kóz jumdy, jalpy ólim jaǵdaılarynyń sany 2544-ke deıin kóbeıdi.