Ońtústik Koreıada Qazaqstannyń zamanaýı óneriniń aýqymdy kórmesi ashyldy
Sývondaǵy SIMA zamanaýı óner murajaıyna keńestik jáne qazirgi zamannyń 57 sýretshisiniń 100-den astam týyndysy qoıylǵan. Kórme «Fokýs Qazaqstan» halyqaralyq jobasy aıasynda shetelde uıymdastyrylǵan sharalardyń tórtinshisi ári sońǵysy.
«Fokýs Qazaqstan» «Rýhanı jańǵyrý» baǵdarlamasy aıasynda júzege asyrylyp jatqan «Zamanaýı qazaqstandyq mádenıet - jahandyq álemde» atty arnaıy jobasynyń bir bóligi bolyp tabylady.
«Fokýs Qazaqstan» jobasynyń kýratory Roza Ábenovanyń aıtýynsha, joba halyqaralyq arenadaǵy Qazaqstannyń zamanaýı beıneleý ónerin aýqymdy kórsete alǵan uıymdastyrý tájirıbesiniń alǵashqy jáne tabysty mysaly bola alady. Tórt qalada (London, Berlın, Djersı Sıtı, Sývon) 400-ge jýyq jumys jáne 94 sýretshiniń muraǵattyq qujattary kórsetildi. Jobanyń sońynda ár kórme boıynsha katalogtar shyǵarylady.
«Eýrazııalyq ýtopııa: Post Scriptum» kórmesi keńestik kezeńniń jáne qazirgi zamanǵy sýretshilerdiń shyǵarmashylyǵyn zerdeleý, kórkemdik dástúrdiń jalǵasy men úzilýin kórsetý, respýblıkamyzdyń táýelsizdigi kezeńindegi qazirgi zamanǵy ónerdiń dúnıege kelýin, jańa dıskýrstar men medıanyń paıda bolýyn zertteý arqyly qazaqstandyq ónerdiń narratıvin anyqtaýǵa tyrysady. Ulttyq sýret óneri mektebiniń erekshelikteri, «jergilikti modernızm» fenomeni jáne táýelsizdik kezeńindegi óner - kórmeniń basty taqyryptary. Onda Úki Ájıevtiń, Olga Kýjelenkonyń, Salıhıtdın Aıtbaevtyń, Jańataı Shárdenovtiń, Evgenıı Sıdorkınniń, Alekseı Stepanovtyń, Mıhaıl Kımniń, Borıs Paktyń, Ábdirashıt Sydyhanovtyń, Rýstam Halfınniń, Sergeı Maslovtyń, Sáken Narynovtyń, Serikbaı Áljanovtyń, Erbosyn Meldibekovtyń, Elena men Vıktor Vorobevtardyń, Aleksandr Ýgaıdyń, Baqyt Búbiqanovtyń, Álibek Mergenovtiń, Sáýle Dúısenbınanyń, Nurbol Nurahmettiń jáne basqalarynyń týyndylary usynyldy.
«Eýrazııalyq ýtopııa: Post Scriptum» kórmesiniń jetekshileri Sorokına ıÝlııa (Qazaqstan) men Shın Yn ıAng (Ońtústik Koreıa). ıÝlııa Sorokına jergilikti modernızm fenomeni, sýretshilerdiń modernızm murasyn sezinýi men onyń óz tájirıbelerimen ushtastyrýy týraly atap ótedi. Al Shın Yn ıAngtiń aıtýynsha, tarıhı turǵyda Qazaqstannyń Koreıamen tyǵyz baılanysy bar. «Biraq biz Qazaqstannyń óneri men mádenıeti týraly tym az bilemiz. Qazaqstan óneriniń alǵashqy kórmesiniń arqasynda kóbirek bilýimizge múmkindik týdy», - deıdi ol.
Aıta keteıik, «Fokýs Qazaqstan» jobasyn QR Ulttyq mýzeıi men QR Mádenıet jáne sport mınıstrligi uıymdastyrǵan.
Kórme 2019 jyldyń 3 naýryzyna deıin jalǵasady.