Ońtústik Koreıada eskalator buzylyp, 14 adam zardap shekti
Oqıǵa Sonname qalasyndaǵy Sýne stantsııasynda boldy. Eskalator aıaq asty baǵytyn ózgertken.
Oqıǵa týraly Ońtústik Koreıanyń órt sóndirý qyzmetine shamamen tańǵy 8:20-da habarlanǵan. Olardyń málimeti boıynsha, aýyr jaraqat alǵan úsh adam aýrýhanaǵa jatqyzyldy, al jeńil jaraqat alǵan 11 adam medıtsınalyq kómek kórsetilgennen keıin úılerine jiberildi.
Tústen keıin Koreıanyń temirjol korporatsııasy (Korea Railroad Corporation) keshirim surap, málimdeme jarııalady.
Kompanııa nysandy tehnıkalyq tekserý jáne tehnıkalyq qyzmet kórsetý amaldaryn jaqsartý úshin kúsh salatynyn, sondaı-aq mundaı jaǵdaı qaıtalanbas úshin barlyǵyn jasaıtynyna ýáde berdi.
Sonymen qatar Korail eldegi barlyq metro stantsııasyndaǵy eskalatorǵa kúrdeli jóndeý júrgizetinin jáne Koreıa lıftterdiń qaýipsizdigi agenttigimen birlesip oqıǵany tergeýdi jalǵastyratynyn málimdedi.
Korail málimeti boıynsha, eskalator 2009 jyly qoıylǵan, 2020 jyly qosymsha apattyq tejeýish ornatylǵan.