Ońtústik Koreıada aptap ystyqtan 108 adam aýrýhanaǵa jetkizildi

SEÝL. QazAqparatı - Ońtústik Koreıanyń Soltústik Cholla provıntsııasyndaǵy 25-shi Dúnıejúzilik skaýttar sletiniń ashylý saltanatynda aptap ystyqtan aýyryp qalǵan 108 adam aýrýhanaǵa jetkizildi, dep habarlaıdy QazAqparat Yonhap agenttigine silteme jasap.

«Jastarǵa arnalǵan mádenı Olımpıada» atalǵan Dúnıejúzilik slettiń ashylý saltanaty sársenbi kúni keshke ótti.

Bıyl eldiń ońtústik-batys jaǵalaýyndaǵy is-sharaǵa 158 elden 43 myńǵa jýyq jas skaýt jınaldy.

Uıymdastyrý komıtetiniń málimetinshe, 108 qatysýshy ystyqtan zardap shekti. 31 adam bas aýrýy men ishtiń aýyrýyna shaǵymdanyp, medıtsınalyq kómek surady. Eki adam áli de medıtsınalyq mekemelerde emdelýde.

Uıymdastyrý komıteti qosymsha medıtsınalyq personaldy — 30 dáriger men 60 medbıkeni tartatynyn jáne lagerdegi patsıentterge kútim jasaý úshin tósek sanyn 220-ǵa deıin arttyratynyn aıtty.

Qazirgi ýaqytta munda 70 tósek ornalastyrylǵan.

Іs-sharanyń sońǵy bóliginiń aldynda birneshe adam esinen tanyp qaldy. Órt sóndirýshiler is-sharany toqtatýdy talap etti.

Keıinirek uıymdastyrý komıtetiniń ókilderi skaýttardy ádetten qatty ystyqtan qorǵaý úshin qosymsha sharalar qabyldaýǵa ýáde berdi.

Provıntsııada ystyq kún raıy slettiń sońyna deıin saqtalady dep boljanyp otyr.

Soltústik Cholla provıntsııasynyń 14 aımaǵynda, sonyń ishinde Býanda qatty ystyq bolatyny týraly eskertý jarııalanady.