Ońtústik Koreıada Abaı men Ál-Farabı beınelengen poshta markasy shyǵaryldy

NUR-SULTAN. QazAqparat – Abaıdyń óleńder jınaǵy koreı tiline aýdaryldy, dep habarlaıdy QazAqparat Elshilikke silteme jasap.

Qazaqstan Respýblıkasynyń Koreıadaǵy Elshiliginiń qoldaýymen koreı tilinde uly Abaıdyń óleńderi qamtylǵan («황금천막에서부르는노래 (Altyn shańyraqta shyrqalǵan án)» atty kitap jaryqqa shyǵaryldy.

Bul kitap Abaıdyń 106 óleńi men 2 epıkalyq poemasy, sondaı-aq Qazaqstan Respýblıkasynyń Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasynan turady.

Kitaptyń avtory koreılik jazýshy Kım Ben Hak bolyp tabylady. Ol 1992 jyly Qazaqstanǵa qonys aýdaryp, Almaty oblysynyń Úshtóbe qalasyndaǵy koreı ortalyǵynda jumys istedi.

Óleń jınaqtarymen qosa, Ońtústik Koreıada Abaı men Ál-Farabı beıneleri jazylǵan markalar paıda boldy. Eldegi negizgi poshta operatory «Korea Post» alǵash ret Qazaqstan markalaryn basyp shyǵardy. Markalardyń dızaıny aǵylshyn tilinde Abaıdyń 175 jáne Ál-Farabıdiń 1150 jyldyǵynyń belgilerimen dáıekti stılde jasalǵan.