Ońtústik Koreıa ekologııany qorǵaý salasyndaǵy jetistikterimen bólisýge daıyn

ASTANA. QazAqparat - QR Energetıka mınıstrligi Ońtústik Koreıanyń Qorshaǵan ortany qorǵaý mınıstrligi janyndaǵy «K-eco» koreı ekologııa korporatsııasymen jáne «Óndirýshilerdiń keńeıtilgen mindetteri Operatory» JShS-men  yntymaqtastyq týraly úshjaqty memorandýmǵa qol qoıdy.

QR Energetıka mınıstrliginiń baspasóz qyzmetinen  málim etkendeı, vedomstvodan qol qoıylǵan memorandýmnyń maqsaty ekologııalyq máselelerdiń keń aýqymy boıynsha taraptar arasyndaǵy uzaqmerzimdi ózara yntymaqtastyqty damytý bolyp tabylady.

Energetıka vıtse-mınıstri Sábıt Nurlybaı atap ótkendeı, bul - Qazaqstan-Koreıa dostyq qarym-qatynastarynyń oń kórsetkishi. Sondaı-aq «jasyl» tehnologııalardy, qorshaǵan ortany qorǵaý jáne qaldyqtardy qaıta óńdeý ónerkásibin damytý boıynsha ózara árekettesý úshin birlesken kúsh-jigerdi biriktirý bolyp tabylady.

Kezdesý ońtústik koreıalyq áriptesterdiń jaýapty sapary bolyp tabylady. Qazaqstan Energetıka mınıstrliginiń ókilderi bastaǵan qazaqstandyq delegatsııa bıyl Global Green Hub Korea atyndaǵy iri is-sharalarǵa qatysty, Koreıadaǵy ınfraqurylym men qoldanbaly tehnologııalarmen tanysty. Atap aıtqanda, GooUiArrisu sý tazartý qondyrǵysyna, qatty turmystyq qaldyqtardy qaıta óńdeý boıynsha HamanUnionPark-ke, turmystyq qatty qaldyqtar polıgonyna bardy.
 

Aıta ketý kerek, Ońtústik Koreıa qaldyqtardy basqarý salasynda aýqymdy jobalardy júzege asyrýda mol tájirıbege ıe jáne sarapshylar bul saladaǵy jetistikterimen (óndirýshilerdiń (ımporttaýshylardyń) keńeıtilgen mindettemeleri) bólisýge, sondaı-aq Qazaqstanda atalǵan salalardyń damý áleýetin zertteýge daıyndyǵyn rastady.

Sapar barysynda Ońtústik Koreıanyń sarapshylary Qaraǵandy oblysyndaǵy eski avtokólikterdi joıý boıynsha Ortalyq Azııa aımaǵyndaǵy jalǵyz zaýyttyń jumysymen tanysty. Budan bólek, Astanadaǵy qaldyqtardy qaıta óńdeý zaýytyna baryp, salalyq uıymdarmen birqatar kezdesýler ótkizdi.