Ońtústik Koreıa Abaı shyǵarmalarymen tanysady
Qazaq aqynynyń týyndylaryn osy eldiń Eýrazııa túrkologııa zertteýler ınstıtýty koreı tiline aýdarady. Bul zertteý uıymy úsh jyl buryn Dondok ýnıversıtetiniń janynan ashylǵan. Osynda túrik jáne Ázerbaıjan jazýshylarynyń shyǵarmalary aýdarylypty.
Instıtýt dırektory O Yn Genniń aıtýynsha, Koreıa kelesi jyly Abaıǵa arnalǵan ádebı sımpozıým ótkizbek.
– Abaı shyǵarmalary kárister úshin túsinikti bolady dep oılaımyn, óıtkeni Koreıa da qıyn otarlaý kezeńin basynan ótkerdi. Elimiz ulttyq rýh sezimimen, halyqtyq qozǵalyspen, rýhanı mádenıetin saqtaýǵa baǵyttalǵan árekettermen tanys. Bul Abaı shyǵarmalarynda jazylǵan. Qazaq aqyny men aǵartýshysynyń shyǵarmalary qazaqtar men káristerdi rýhanı biriktirýdiń qundy kópiri bolady dep oılaımyn. Shyǵarmalardy aýdarý ońaı sharýa emes, biraq kitap shyǵarý odan da qıyn. Eger qazaqstandyq qorlar bizge qoldaý kórsetse, onda mindetimiz jeńil bolar edi», - deıdi Eýrazııa túrkitaný zertteýleri ınstıtýtynyń dırektory O Yn Gen.