Ońtústik Qazaqstanda pravoslavtyq baǵytta 18 dinı birlestik jumys isteıdi

ASTANA. QazAqparat - Ońtústik Qazaqstan oblysynyń ákimi Janseıit Túımebaev orys drama teatrynda  «Rojdestvenskıe vstrechı» is-sharasyna qatysyp, jınalǵandardy Rojdestvo merekesimen quttyqtady, dep habarlaıdy QazAqparat.

Ol óz sózinde elimizde túrli konfessııalardyń ókilderi beıbitshilik pen kelisimde ómir súrip jatqanyn tilge tıek etip, azamattardyń boıyndaǵy Otanǵa degen súıispenshilik, otbasylyq  qundylyqtarǵa degen qurmet seziminiń mańyzdylyǵyna toqtaldy.

«Ult kóshbasshysy, Qazaqstan Respýblıkasynyń Prezıdenti Nursultan Ábishuly Nazarbaevtyń sarabdal saıasatynyń arqasynda  elimizde ártúrli dinı konfessııalardyń qyzmeti úshin barlyq qolaıly jaǵdaılar jasalyp otyr. Elimizde ultaralyq tatýlyq nyǵaıyp, beıbitshilik ornady. Búgingi tańda Ońtústik Qazaqstan oblysynda 11 konfessııa engen 867 dinı birlestik jumys isteıdi, olardyń 18-i pravoslavtyq baǵytta.  Olar qoǵamnyń damýyna, óńirdiń ulttyq-mádenı salasyn órkendetýge, jastardy patrıottyqqa  tárbıeleýge belsendi aralasyp keledi», - dedi óńir basshysy.

Shara barysynda «Slavıan etno-mádenı ortalyǵynyń» tóraǵasy M.Lımarenko, «Shymkent eparhııasynyń Shymkent qalasyndaǵy Svıato-Nıkolskıı kafedraldyq soborynyń prıhody» protoıereıi A.Mogılevskıı jınalǵandar aldynda  óz lebizin bildirdi.

Merekelik jıynda «Ardagerler hory» «Rojdestvenskıe pesnı»  ánderin oryndady. «Slavıan etno-mádenı ortalyǵy» Kazachıı horynyń ánin usynsa, oblystyq orys drama teatry «O rojdenıı Iısýsa Hrısta» taqyrybyndaǵy  kórinis pen «Alısa v strane chýdes» rojdestvolyq kontsert-mıýzıklderin qoıdy.