Ońtústik Qazaqstanda mádenıet salasynyń 25 tanymal tulǵasy marapattaldy

ShYMKENT. QazAqparat - Búgin ońtústikqazaqstandyqtar Qazaqstan Respýblıkasy Táýelsizdiginiń 25 jyldyǵyna arnalǵan «Uly dala eli - Táýelsizdiktiń 25 negizi» atty 25 juldyzdy kúnder aktsııasy aıasyndaǵy «Mádenıet jáne rýhanııat» kúnin atap ótti, dep habarlaıdy oblys ákimdiginiń baspasóz qyzmeti.

Osy kúni óńirimizge ǵana emes, búkil respýblıkamyzdaǵy mádenıet jáne rýhanııat salasyna sińirgen eńbegi, eldiń áleýmettik jáne mádenı damýyna qosqan eleýli úlesi úshin elimizge belgili 25 qoǵam qaıratkeri oblys ákiminiń arnaıy syıymen marapattaldy.

Saltanatty jıynda sóz alǵan oblys ákimi Janseıit Túımebaev barsha jurtshylyqty Egemendiktiń mereıli toıymen quttyqtap, merekeniń Alash úshin mańyzdylyǵyna toqtaldy.

«Elimizdiń órkendeýinde ońtústikqazaqstandyqtardyń alar orny aıryqsha. Oǵan eshkimniń de daýy bolmaýy kerek. Al óńirimizde naqty máselelerge nazar aýdarylyp, tıisti jumystar atqarylyp jatyr dep anyq aıta alamyz. Jyldan jylǵa halqymyzdyń áleýeti artyp, oblys ekonomıkasy qaryshtap damyp keledi. Osynaý tolaıym tabystar men nátıjeli jetistikterimizde mádenıet jáne rýhanııat salasynda eńbek etip júrgen Sizderdiń de úlesterińiz mol dep bilemin. Eńbek - elenýi tıis! Osy maqsatta mádenıet pen rýhanııat salasyna eńbegi sińgen azamattarǵa arnaıy syılyq taǵaıyndap otyrmyn. Bul syılyq jyl saıyn mádenıet qyzmetkerleri kúni merekesi qarsańynda tabystalatyn bolady», - dedi J.Túımebaev.

Oblys ákiminiń bes júz myń teńge kólemindegi arnaıy syıy, atap aıtqanda, Sábıt Orazbaı, Muhtar Shahanov, Erbolat Tólepbaı, Asanáli Áshimov, Dýlat Isabekov,  Satybaldy Narymbetov, Kópen Ámirbek, Nurjamal Úsenbaeva, Tatıana Býrmıstrova, Erkinbek Turysov, Mekemtas Myrzahmetov, Marhabat Baıǵut, Narmahan Begaly, Hanbıbi Esenqaraqyzy, Áselhan Qalybekova, Baqytjan Aldııar, Súgiráli Saparáliuly, Sapar Ótemisov, Jeńis Qarǵabaev, Abdýlla Jumashev, Ǵalııa Jomartova, Sábırash Abdraımova, Quttybek Jaqypov, Igor Verbıtskıı jáne Jumabek Esimovterge tabystaldy.

«Ońtústik Tsırk» ǵımaratynda ótken sharada oblys ákimi tsırk ujymyn 5 jyldyq merekesimen quttyqtap, nysannyń materıaldyq tehnıkalyq bazasyn nyǵaıtý maqsatynda 20 oryndyq «Mersedes Benz - Sprinter» avtokóligin tartý etti.

Іs-shara barysynda Qurmanǵazynyń «Saryarqa», «Balbyraýyn» kúılerin shertken dombyrashylardyń fleshmoby oınalsa, oblystyq mádenıet jáne óner mekemeleriniń 300 qyzmetkerinen quralǵan hor Shámshi Qaldaıaqovtyń «Otan» ánin aıtty.

Saltanatty shara sońynda Ońtústik Qazaqstan oblysynyń zııaly qaýym ókilderi men mádenıet qyzmetkerleriniń Qazaqstan Respýblıkasynyń Prezıdenti Nursultan Ábishuly Nazarbaevqa jazǵan quttyqtaý ashyq haty oqyldy. Hatta Elbasynyń osynaý shırek ǵasyrda elimizdi barlyq salalar boıynsha damytýdaǵy sarabdal saıasaty men onyń nátıjeli jemisi aıta kele, Máńgilik El ıdeıasyn ustanǵan osy dara jolda ashyq hat ıeleriniń, árdaıym, Ult kóshbasshysy - Memleket basshysymen birge bolýǵa daıyndyǵy baıandalǵan.