Ońtústik Qazaqstanda asfalt-beton óndirý zaýyty salynady
Qurylysy keler jyly bastalatyn asfalt-beton óndirý jobasynyń ınvestory grekııalyq NIOVI S.A kompanııasy quryltaıshysy bolyp keletin «Soldatos» JShS-niń bas dırektory A.Shyntaevty oblys ákimi Janseıit Túımebaev arnaıy qabyldap, aldaǵy jumysyna sáttilik tiledi.
Búginde memleket tarapynan ınvestorlarǵa qolaıly jaǵdaı jasalǵanyn aıtqan ákim Ońtústik - ekonomıkalyq áleýeti zor, turaqty damyp kele jatqan óńir ekenin atap ótti.
«Aımaq - Ortalyq Azııa, Taıaý Shyǵys pen Eýropa elderin baılanystyratyn joldardyń qıylysynda ornalasqandyqtan, bizde shekaralyq saýda-sattyq pen eksporttyq óndiris damyp keledi. Sondaı-aq, oblysta 11 ındýstrııaldy aımaq pen jeńil ónerkásip baǵytyndaǵy bir arnaıy ekonomıkalyq aımaq bar. Oblysta ınvestıtsııa tartý jáne ınvestorlarǵa bir tereze qaǵıdasy boıynsha qyzmet kórsetetin aımaqtyq damý ınstıtýttary jumys jasaıdy. Instıtýttar kásipkerlerge keńes beredi jáne qarjylyq, ınfraqurylymdyq kómek kórsetedi», - dedi óńir basshysy.
Óz kezeginde sóz alǵan kompanııa basshysy buǵan deıin aýdanda mobıldi asfalt zaýytyn iske qosyp, Qyzylqum aýyldyq okrýginde ornalasqan ınspektorlyq joldarǵa asfalt berip kelgenin jetkizdi. Sonymen birge ol ekinshi jelisin keler jyldyń jaz aıynda aıaqtaýdy josparlap otyrǵanyn atap ótti.
«Soldatos» JShS-niń ınvestorlary Maqtaaral aýdanyndaǵy jobadan bólek, Saryaǵashta saǵatyna 150 tonna, al Túrkistan qalasynda saǵatyna 200 tonna asfalt-beton shyǵaratyn zaýyt salýdy josparlap otyr.
Aıta keteıik, aýdanda syrtqy ınvestıtsııadan bólek, ishki ınvestıtsııanyń esebinen óńdeý zaýyty, gıgıenalyq zattar men polıetılen shyǵaratyn óndiris zaýyttarynyń jobalary da júzege aspaq. 38 gektar jerdi alyp jatqan aýdannyń ındýstrııaldy aımaǵynda jumys istep turǵan «Bereke» maqta zaýytynan basqa, munda keler jyly 4 joba iske asyrylady dep josparlanýda.