Ońtústik Kavkaz qubyry qurylysy kezinde 23 myń arheologııalyq olja tabylǵan

BAKÝ. Trend – QazAqparat – Ońtústik Kavkaz qubyrynyń qurylysy kezinde tek Ázerbaıjan aýmaǵynda 23 myń arheologııalyq olja tabyldy, dep habarlaıdy QazAqparat Trend agenttigine silteme jasap.

Bul týraly bp kompanııasynyń Kaspıı jáne Taıaý Shyǵys aımaǵyndaǵy kommýnıkatsııalar jáne syrtqy baılanystar jónindegi vıtse-prezıdenti Baqtııar Aslanbeıli «Úlken qaıtarym: Mádenıettiń jańǵyrýy» konferentsııasynda málim etken.

Onyń aıtýynsha, sońǵy ýaqytta «Shahdenız-2» jobasy aıasynda 11 myń arheologııalyq olja tabylǵan.

«Eger qurylys barysynda olja tabylsa, jumys toqtatylady, Mádenıet mınıstrligine bul týraly jeti kún ishinde habarlanady», - dedi Aslanbeılı.