Ońtústik Karolınada allıgator shabýylynan áıel kóz jumdy

VAShINGTON. QazAqparat – Resmı tulǵalardyń aıtýynsha, dúısenbide Ońtústik Karolınada allıgatordyń shabýylynan bir áıel kóz jumdy, dep habarlaıdy QazAqparat ABC News-ke silteme jasap.

Bofort okrýginiń polıtsııasy alyp allıgator toǵannyń shetinde, Okatı aımaǵyndaǵy San-Sıtı Hılton-Hed eldi mekeninde baıqalǵan. Jábirlenýshiniń kim ekeni anyqtalǵan joq.

Florıda balyq jáne jabaıy tabıǵatty qorǵaý komıssııasynyń ókili Melodı Kılborn allıgatorlar kóktem men jazda aýa temperatýrasy kóterilip, metabolızmi kúsheıgende tamaq izdeıtinin aıtty.

Kılborn adamdardy qaýipsizdik erejelerin saqtaýǵa shaqyrdy. Allıgatorlar ásirese, túnde belsendi bolady, sondyqtan tek kúndizgi ýaqytta shomylý úshin arnaıy bólingen jerlerde sýǵa túsý qajet. Eshqashan allıgatordy tamaqtandyrmaý kerek.

Bul – baýyrymen jorǵalaýshylardyń adamǵa jasaǵan besinshi shabýyly. Buǵan deıin er adam Ońtústik Karolına shtatynda allıgatordyń qurbany bolǵany habarlanǵan bolatyn.

Foto: abcnews.go.com