Ońtústik Afrıkada gaz qubyrynyń jarylýy saldarynan jol qırap qaldy

KEIPTAÝN. QazAqparat - Iohannesbýrgtiń ortalyq iskerlik aýdanynda Sımmons qalasyndaǵy Brı-strıtte gaz qubyry jaryldy. Jarylys saldarynan jol opyrylyp qaldy, dep habarlaıdy QazAqparat SABC News radıostantsııasynyń saıtyna silteme jasap.

Tótenshe jaǵdaılar qyzmetiniń habarlaýynsha, zardap shekkender men qaza tapqandar sany belgisiz. Azamattardan oqıǵa ornyna jaqyn barmaýy suraldy. Sondaı-aq júrgizýshilerge jarylys bolǵan jerge jaqyn kóshelerden aýlaq júrýge keńes berildi. Kósheniń bir bóligi qıraǵannan keıin bir kólik aýdarylyp, taǵy birneshe jol jabyldy. Jol opyrylǵan kezde taksıde birneshe adam bolǵan.

Jergilikti bılik aýada ótkir ıis sezilip turǵandyqtan, jarylys bolǵan jerden bir shaqyrym radıýsta adamdardy evakýatsııalady.

Qazir tótenshe jaǵdaılar qyzmeti oqıǵadan kelgen shyǵyndy eseptep jatyr.