Ońtústik Afrıka elshisi Atyraý munaı óńdeý zaýytynyń jumysymen tanysty
Elshi eki el munaıshylarynyń tájirıbe almasý jónindegi usynysymen bólisti, dep habarlaıdy QazAqparat.
«Atyraýǵa saparymnyń maqsaty – munaı-gaz salasynda ekijaqty qarym-qatynas ornatý. Bizdiń elimizde arzan sıntetıkalyq kómirsýtekti qospa alý kómir óńdeý tehnologııasy bar. Bul –munaıdyń balamaly túri» -dedi Ońtústik Afrıka Respýblıkasynyń Qazaqstandaǵy Tótenshe jáne ókiletti elshisi Kııtýmettsı Sııpelo Tandeka Mettıýs.
Ol Atyraý munaı óńdeý zaýytyndaǵy úsh kezeńdi qaıta jańǵyrtýdy júzege asyrý, tabıǵat qorǵaý, óndiristik protsesterdi tsıfrlandyrý jumysymen tanysty. Tehnologııalyq protsesterdi basqarýdy baqylaıtyn biryńǵaı operatorlyq ortalyqqa qyzyǵýshylyq tanytty.
Elshi Atyraý munaı óńdeý zaýytynyń bas dırektory Shýhrat Danbaımen kezdesýde Ońtústik Afrıka Respýblıkasy mamandarynyń munaıdy zaýytqa jetkizý, óńdeý, daıyn ónim alý protsesterimen tanysý úshin tájirıbe almasý múmkindigin qarastyrýdy usyndy. Sondaı-aq, atyraýlyq munaı óńdeýshilerdi óz elindegi sıntetıkalyq kómirstýtekti qospany alý protsesimen tanysýǵa shaqyrdy.