Óńirlik kadr rezervterin irikteý naýryzda bastalady

<p>ASTANA. KAZINFORM &ndash; 1 naýryzdan bastap oblystardyń, respýblıkalyq mańyzy bar qalalardyń jáne astananyń óńirlik kadr rezervterine irikteý bastalady. Bul týraly QR Memlekettik qyzmet isteri agenttiginiń baspasóz qyzmeti habarlady.&nbsp;</p>

Óńirlik kadr rezerviniń basty maqsaty – ár óńirde talantty jastar arasynan jańashyl oılaıtyn kóshbasshylar, jas basqarýshylardyń tobyn qalyptastyrý.

Memleket basshysy atap ótkendeı, «Bizge túrli salalarda, jaýapkershilikten qoryqpaıtyn, erekshe ári tıimdi sheshimder qabyldaı alatyn jańa formatsııadaǵy basqarý toby qajet. Dál osyndaı adamdar el qalaýyndaǵy nátıjege qol jetkizýge qabiletti».

Іrikteýge qatysý rezervshilerge jergilikti jerlerde jańasha ózgeristerdi júzege asyrýǵa múmkindik beredi.

Іrikteýge joǵary bilimi jáne 3 jyldan kem emes eńbek ótili bar, 35 jastan aspaǵan elimizdiń azamattary qatysa alady.

Árbir óńirlik rezerv boıynsha naqty salalyq baǵyttar men rezervshilerdiń sany óńirdegi áleýmettik-ekonomıkalyq jaǵdaı jáne memlekettik basqarý júıesin damytýdyń basymdyqtary eskerile otyryp, óńirlik kadr komıssııalarymen aıqyndalatyn bolady.

Qatysýǵa ótinimderdi qabyldaý bıylǵy jyldyń 1-31 naýryzy aralyǵynda onir.pkrezerv.gov.kz saıtynda qoljetimdi bolady.

Bilimdi, eńbekqor jáne jasampaz azamattardy óńirlik kadr rezervterine irikteýge qatysýǵa shaqyramyz.