Óńirlik habtar, salyqty azaıtý, jańa zań – Qazaqstanda kreatıvti ındýstrııa qalaı damıdy

<p>ASTANA. KAZINFORM &ndash; Qazaqstannyń Shanhaı yntymaqtastyq uıymy men Túrki memleketteriniń uıymyna tóraǵalyǵy sheńberinde kreatıvti ındýstrııany damytý boıynsha taqyryptyq is-sharalar ótedi. Bul týraly Mádenıet jáne aqparat mınıstri Aıda Balaeva aıtyp berdi.</p>

Memleket basshysy Qasym-Jomart Toqaev kreatıvti ındýstrııany qoldaý sharalaryn ázirleýdi tapsyrǵan bolatyn.

«Eń aldymen mınıstrlik bul saladaǵy jumysty kreatıvti ındýstrııa sýbektilerine salyqty jeńildetý boıynsha keshendi jumystardan bastady. Osylaısha, byltyr Úkimet qaýlysy qabyldanyp, shyǵarmashylyq salaǵa qatysty 43 ekonomıkalyq qyzmettiń 40 túrine bólshek salyqtyń arnaıy salyq rejımi qoldanyldy. Endi kásipkerlik sýbektileri korporatıvtik jáne jeke tabys salyǵyn, qosylǵan qun salyǵyn tóleýden bosatyldy jáne biryńǵaı salyq – jeke kásipkerler úshin 4%, JShS úshin 8% bolady», - dedi mınıstr Qazmedıa ortalyǵynda mınıstrliktiń alqa otyrysynda.

Osy máselelerdi sheshý maqsatynda kreatıvti ındýstrııalardy qoldaý jáne damytý máseleleri jónindegi zań jobasy qabyldanbaq.
Sondaı-aq, «Kreatıvti ındýstrııalardy qoldaý ortalyǵy» korporatıvtik qoryn qurý boıynsha jumystar bastalyp, óńirlerde Kreatıvti habtardy ashý josparlanýda.

«Qazposhta» AQ-men birlesken joba sheńberinde kreatıvti ındýstrııa ókilderi, onyń ishinde progressıvti jastarǵa arnalǵan ortalyqtar qurylady. Osy saladaǵy halyqaralyq sarapshylardy tartyp, kreatıvti ındýstrııany damytýdyń halyqaralyq forýmy ótedi. Sonymen qatar, Qazaqstannyń Shanhaı yntymaqtastyq uıymy men Túrki memleketteriniń uıymyna tóraǵalyǵy sheńberinde kreatıvti ındýstrııany damytý boıynsha taqyryptyq is-sharalar ótedi», - dedi Mádenıet mınıstri.