Óńirlerde volonterlerdi oqytatyn respýblıkalyq semınar bastaldy

<p>ASTANA. KAZINFORM - Óńirlik front-ofıster volonteri men ambassador-ókilderin oqytýǵa jáne biliktiligin arttyrýǵa baǵyttalǵan respýblıkalyq semınarǵa elimizdiń barlyq aımaǵynan 60 volonter qatysty.</p>

Іs-sharany QR Mádenıet jáne aqparat mınıstrliginiń tapsyrysy boıynsha Ulttyq volonterlik jelisi uıymdastyrdy.

Eki kún ishinde semınarǵa qatysýshylar volonterlik salada tıimdi jumys isteý úshin qajetti bilim men tájirıbeli daǵdylarmen jáne 2024-2026 jyldarǵa arnalǵan Jol kartasynyń strategııalyq maqsat-mindetterimen, sonymen qatar óńirlik front-ofısterdiń jumysyn úılestiretin ádistemelik usynymdarmen tanysty.

Foto: QR MAM

«Vorkshoptar men sektsııalar arqyly qatysýshylar jergilikti jerlerde volonterlikti qoldaý jáne damytý strategııalaryn ázirleý, sondaı-aq úzdik óńirlik tájirıbelerdi iske asyrý daǵdylaryn meńgeredi. Volonterlik ambassador-ókilder ózderiniń rólderi men óńirlik front-ofıstermen ózara baılanys ádisterin tereń túsinýge múmkindik alady», - dep atap ótti QR MAM Azamattyq qoǵam isteri komıteti tóraǵasynyń orynbasary Eldar Saparov.

Semınar qatysýshylardyń volonterlik qozǵalys pen áleýmettik belsendiligin damytýǵa yqpal ete otyryp, alǵan bilimderin kúndelikti qyzmetinde qoldanýǵa múmkindik beredi. Oqýdan soń qol jetkizilgen nátıjelerge taldaý jasalady.