Óńirlerde múgedek jandardy jumyspen qamtý deńgeıi 50%-ǵa da jetpeıdi – mınıstr

<p>ASTANA. KAZINFORM &ndash; Eńbek jáne halyqty áleýmettik qorǵaý mınıstri Svetlana Jaqypova múgedek jandardy jumyspen qamtý máselelerin kóterdi.</p>

«Mańyzdy máselelerdiń biri – múgedek jandardy jumyspen qamtý. 1 qarashadaǵy jaǵdaı boıynsha 148 myń adam, ıaǵnı jumysqa qabiletti halyqtyń 39%-y jumyspen qamtylǵan. Biraq óńirlerde jumyspen qamtý deńgeıi 50%-ǵa da jetpeıdi. Jumyspen qamtý salasynda jetekshi oryndar boıynsha ǵylymı qyzmet (28%), memlekettik basqarý (12%), bilim jáne saýda (9%-dan), densaýlyq saqtaý (7%) salalary alda keledi. Mamandyǵy boıynsha múgedektigi bar adamdardyń 21%-y kásibı maman, 19%-y biliktiligi joq jumysshy, 13%-y – tehnık-mamandar, 11%-dan basshylar men memlekettik qyzmetshiler sanaty», - dedi Svetlana Jaqypova Úkimet otyrysynda.

Odan ári mınıstr múgedek jandardy ońaltý máselesine toqtaldy.

«Búginde elimizdiń 7 óńirinde aýtıstik spektr buzylysy jáne basqa da mentaldy aýytqýlary bar balalarǵa arnalǵan kúndizgi bolý ortalyqtary ashyldy. Odan bólek, Aqmola, Aqtóbe, Atyraý, Batys Qazaqstan oblysy, Ulytaý oblysy jáne Shymkent qalasynda qurylysy júrip jatyr. Ońaltý sharalarynyń tıimdiligin arttyrý jáne baqylaýdy kúsheıtý maqsatynda tsıfrlyq ońaltý kúndeligi iske qosyldy. Nozologııa túrleri boıynsha áleýmettik ońaltý hattamalary ázirlendi», - deıdi ol.

Osyǵan deıin keıingi 3 jylda balalar múgedektigi 11,4%-ǵa óskeni týraly jazdyq.