Óńirde otbasy ınstıtýtyn nyǵaıtýǵa basa nazar aýdarylyp jatyr – BQO ákimi

<p>ORAL. KAZINFORM &ndash; Naýryznama tujyrymdamasy boıynsha 17 naýryz &ndash; &nbsp;Shańyraq kúni. Osy aıtýly kúnge oraı Batys Qazaqstan oblysynyń ákimi Narıman Tóreǵalıev 25, 50 jyl bir shańyraq astynda tatý-tátti ómir súrip kele jatqan mereıli otbasylarmen kezdesti.&nbsp;</p>

«Barshańyzdy aldaǵy Naýryz merekesimen quttyqtaımyn. Ata-babalarymyz «Otan otbasynan bastalady» dep beker aıtpaǵan. Adam boıyndaǵy ıgi qasıetter shańyraqtan bastaý alady. Óńirimizde memleket tarapynan otbasy ınstıtýtyn nyǵaıtýǵa basa nazar aýdarylýda. Qazirgi tańda oblys boıynsha 14 myńǵa jýyq kópbalaly analar bar, onyń ishinde 6 558 áıel jandar «Altyn alqa», «Kúmis alqa», «Batyr ana» ıegerleri. Oblysymyzda arnaıy 5 «otbasy ortalyqtary» jumys isteýde. Bıylǵy jyly taǵy 3 aýdanda osyndaı ortalyqtar ashýdy josparlap otyrmyz», - dedi oblys basshysy.

Foto: BQO ákimdiginiń baspasóz qyzmeti

Sondaı-aq óńir basshysy Atyraý qalasynda ótken úshinshi Ulttyq quryltaıda Prezıdent Qasym-Jomart Toqaev ulttyń jańa kelbetin aıqyndaıtyn negizgi qundylyqtar týraly aıtqanyna toqtaldy. 

«Prezıdentimiz Ulttyq quryltaıda atap ótken otanshyldyq, birlik, yntymaq, ádildik, jaýapkershilik, eńbekqorlyq qundylyqtary otbasydan bastaý alady. Sondyqtan urpaq tárbıesine aıryqsha mán berýimiz kerek», - dedi Narıman Tóreǵalıev.

Aıtýldy is-sharaǵa jýyrda otaý qurǵan jas otbasylar da qatysty. Jastar aldynda aǵa býyn ókilderi sóz sóılep, ómirlik keńesterimen bólisti.