Onlaın saýda: Qazaqstandyqtar qandaı taýarlardy jıi alady

<p>ASTANA. KAZINFORM &ndash; 2023 jyldyń 11 aıynda elektrondyq saýda kólemi shamamen 2,2 trıllıon teńgege jetti. Bul týraly Saýda jáne ıntegratsııa mınıstri Arman Shaqqalıev baıandady.</p>

«Jahandyq elektrondyq saýda naryǵy ozyq qarqynmen ósýde. Elektrondyq saýda jan-jaqty damýǵa yqpal ete otyryp, álemdik ekonomıkalyq ósýdiń jańa draıverine aınaldy. Halyqaralyq sarapshylardyń boljamynsha, 2026 jylǵa qaraı V2S álemdik elektrondyq naryǵy – 8,2 trıllıon AQSh dollaryn quraıdy. Olardyń baǵalaýynsha, 2022 jyly bul kórsetkish 5,7 trıllıon dollar bolǵan», - dedi A. Shaqqalıev Úkimet otyrysynda.

2022 jyly Qazaqstanda elektrondyq saýda úlesi 12,5 paıyzdy qurady, bul shamamen 2 trıllıon teńge. Internet arqyly ótkizilgen negizgi taýarlar: úı taýarlary, kıim, aıaq kıim, tamaq ónimderi, kosmetıka, dári-dármekter.

«2022 jyldyń qorytyndysy boıynsha elektrondyq saýda qyzmetteri naryǵynyń kólemi 1,2 trıllıon teńge bolǵan, onyń 50,3% jolaýshylardy tasymaldaý qyzmetine tıesili. Ótken jyldyń 11 aıynda elektrondyq saýda kólemi shamamen 2,2 trıllıon teńgeni nemese bólshek kóleminen 13% qurady. 2023 jyldyń nátıjesinde josparlanǵan elektrondyq saýda úlesi 13,2% quraýy tıis», - deıdi Saýda mınıstri.

Mınıstrlik aldynda elektrondyq saýdanyń úlesin 2030 jylǵa qaraı 20% deıin jetkizý mindeti tur.