Onlaın petıtsııa ınstıtýtyn zań júzinde rásimdeýimiz kerek - Prezıdent
«Altynshy - azamattyq qoǵam ókilderiniń belsendiligin arttyrý, jastar saıasatyn jetildirý jáne qaıyrymdylyq qyzmetin qoldaý. Ózderińiz bilesizder, jyl basynda men keıbir zańnamalyq aktilerge qoǵamdyq keńester qyzmeti máseleleri boıynsha ózgerister men tolyqtyrýlar engizý týraly tıisti Zańǵa qol qoıdym. Sol arqyly qoǵamdyq keńesterdiń ókilettigin edáýir kúsheıttik», - dedi Memleket basshysy.
QR Prezıdenti endi azamattyq belsendilikti arttyrý jolynda taǵy bir mańyzdy qadam jasalatyndyǵyn aıtty.
«Bul - talqylanyp jatqan qoǵamdyq baqylaý týraly zań. Biz onlaın petıtsııa ınstıtýtyn da zań júzinde rásimdeýimiz kerek. Bul bastamalardyń maqsaty - memleket qyzmetiniń tıimdiligin arttyrý, sheshim qabyldaýǵa azamattyq qoǵamdy tartý», - dedi Qasym-Jomart Toqaev.