Onkologııalyq aýrýlar áıelderde jıi kezdesedi - statıstıka

ASTANA. QazAqparat - Elimizde onkologııalyq aýrýlar áıelderde jıi kezdesedi. Bul týraly QazAqparat Ulttyq statıstıka bıýrosyna silteme jasap habarlaıdy.

2021 jyly qaterli aýrýy anyqtalǵan 35 myń adam esepke alyndy. Onyń ishinde 13 myńy ózderi baryp qaralǵandarda, 18 myńy profılaktıkalyq tekseris kezinde, 1,8 myńy skrınıng barysynda anyqtalǵan.
Onkologııalyq aýrýlar áıelderde jıi kezdesedi – 57,4%, naýqastardyń 42,6%-y – er adamdar.
Sonymen qatar, sút bezi qaterli isigimen aýyrǵan áıelderdiń sany artyp keledi. 2021 jyly bul aýrý 5 myń áıelde anyqtalǵan. Osylaısha, naýqastar sany 43,2 myń adamdy qurady. 2017 jyly aýrýǵa shaldyqqandar sany 34,9 myń adam bolǵan. Sondaı-aq, aýrý 60-69 jas aralyǵyndaǵy áıelderde kóbirek anyqtalǵan, 2021 jyly – 1599 jaǵdaı.