Onkologııalyq naýqastar dári-dármeksiz qalmaıdy – mınıstrlik

<p>ASTANA. KAZINFORM &ndash; Densaýlyq saqtaý mınıstrligi onkologııalyq jáne onkogematologııalyq dertke shaldyqqan patsıentter qajetti preparattarmen ýaqytyly qamtamasyz etiletinin habarlap otyr.</p>

«Dári-dármekti jetkizýdegi kez kelgen úzilisti boldyrmaý úshin vedomstvo preparattardy ýaqytyly qamtýdyń tetigin anyqtady. Eshbir patsıent qajetti emsiz qalmaıdy. Oblystyq densaýlyq saqtaý basqarmalary men onkologııalyq ortalyqtar jaǵdaıǵa monıtorıng júrgizedi», - delingen mınıstrlik taratqan habarlamada.

Patsıentterge yńǵaıly bolý jáne qajetti aqparatty alý úshin 8 (7172) 570 950 nómiri bar Call-ortalyǵy jumys istep tur. Ortalyqqa qońyraý shalyp, onkologııalyq kómektiń qoljetimdiligi men sapasy máseleleri boıynsha ótinish qaldyrýǵa, onyń ishinde emdeýden jáne kómekten bas tartý jaǵdaılary týraly habarlaýǵa bolady.

Aıta keteıik, keshe «Qazaqstan halqyna» qoǵamdyq qory onkologııalyq naýqastar tıisti dári-dármekpen qamtylmaı qalý qaýpi týraly habarlaǵan edi. 

Qordyń baspasóz qyzmeti taratqan málimetke saı, 2023 jylǵy qarashadan bastap bekitilgen «2023-2027 jyldarǵa arnalǵan onkologııalyq aýrýlarmen kúres jónindegi keshendi jospar» sheńberinde onkologııalyq jáne onkogematologııalyq aýrýlary bar azamattardy tegin medıtsınalyq kómektiń kepildik berilgen kólemine (TMKKK) engizilgenge deıin 15 zamanaýı nysanaly dári-dármek preparattarmen qamtamasyz etý júzege asyrylady.