Onkologııalyq naýqastar tıisti dári-dármekpen qamtylmaı qalýy múmkin
Qordyń baspasóz qyzmeti taratqan málimetke saı, 2023 jylǵy qarashadan bastap bekitilgen «2023-2027 jyldarǵa arnalǵan onkologııalyq aýrýlarmen kúres jónindegi keshendi jospar» sheńberinde onkologııalyq jáne onkogematologııalyq aýrýlary bar azamattardy tegin medıtsınalyq kómektiń kepildik berilgen kólemine (TMKKK) engizilgenge deıin 15 zamanaýı nysanaly dári-dármek preparattarmen qamtamasyz etý júzege asyrylady.
2023 jylǵy 28 jeltoqsanda Qazaqstan Respýblıkasy Densaýlyq saqtaý mınıstriniń № 176 buıryǵymen TMKKK-ǵa buryn «Qazaqstan halqyna» Qoǵamdyq Qory qamtamasyz etken 15 preparattyń 6-y engizildi. Olardyń ishinde — Rıbotsıklıb, Abematsıklıb, Apalýtamıd, Alektınıb, Iksazomıb, Daratýmýmab.
QR DSM-niń 2023 jylǵy 28 jeltoqsandaǵy № 176 buıryǵyn ádilet organdarynda tirkeý ony júzege asyrýǵa qatysty barlyq qajetti mehanızmderdi memlekettik organdarǵa buıryq qoldanysqa engenge deıin pysyqtaýdy mindetteýdi kózdeıdi.
«Qazaqstan halqyna» Qoǵamdyq Qory atalmysh vedomstvoǵa birneshe ret júgingen, biraq DSM-niń 2023 jylǵy 28 jeltoqsandaǵy № 176 buıryǵyn iske asyrýdy bastaý tetikteri men merzimderi týraly suraqtary jaýapsyz qalǵan jáne terapııany úzý qaýpin boldyrmaý úshin onkologııalyq aýrýlardan zardap shegetin azamattardy joǵaryda atalǵan dárilik zattardyń ataýlarymen qamtamasyz etýdi jalǵastyrdy.
Birinshi jartyjyldyqtyń qorytyndysy boıynsha jergilikti atqarýshy organdar aǵymdaǵy jyldyń sońyna deıin onkologııalyq naýqastardy alty dári-dármekpen qamtamasyz etýge daıyn emestigine qatysty ótinishterin Qorǵa túsirýin jalǵastyrýda.
Azamattardy úzdiksiz emdeýdi qoldaý maqsatynda «Qazaqstan halqyna» Qoǵamdyq qory 2024 jyldyń tamyz aıynyń sońyna deıin jetetin joǵaryda atalǵan dárilik preparattardyń eki aılyq qorymen qamtamasyz etti.
Densaýlyq saqtaý mınıstrligi, oblystyq densaýlyq saqtaý basqarmalary, onkologııalyq ortalyqtar normatıvtik-quqyqtyq aktilerge sáıkes onkologııalyq jáne onkogematologııalyq aýrýlary bar azamattardy úzdiksiz qamtamasyz etý úshin sharalar qabyldaý qajettigi týraly habardar etildi.
Sondaı-aq, «Qazaqstan halqyna» Qoǵamdyq Qory Qazaqstan Respýblıkasy Parlamenti Májilisiniń depýtattarynan QR DSM 2023 jylǵy 28 jeltoqsandaǵy № 176 buıryǵynyń Densaýlyq saqtaý mınıstrligi jáne jergilikti atqarýshy organdary tarapynan oryndalý máselesin baqylaýǵa alýdy surady.