Óńirlik JOO-lar bazasynda birtutas ınnovatsııalyq ekojúıe qurylady

ASTANA. QazAqparat – Parlament palatalarynyń birlesken otyrysynda Prezıdent Qasym-Jomart Toqaev óńirlik JOO-lar bazasynda birtutas ınnovatsııalyq ekojúıe qurýdy tapsyrdy, dep habarlaıdy QazAqparat tilshisi.

«Elimizdi ınnovatsııalyq jolmen damytý úshin Astanada jáne Almatyda qajetti ekojúıe qalyptastyrýǵa mán berilip otyr. Biraq munymen shektelýge bolmaıdy. Men aımaqtarǵa barǵanda daryndy ári oıy ushqyr, ıaǵnı kreatıvti azamattarmen únemi kezdesemin. Biz olardyń óz áleýetin tolyq ashýyna jaǵdaı jasaýymyz kerek», - dedi Qasym-Jomart Toqaev.

Memleket basshysy bul iste aımaqtaǵy joǵary oqý oryndaryn paıdalanýdy usyndy.

«Ony naqty sektormen tyǵyz yntymaqtasa otyryp júzege asyrǵan jón. Bul jumysty árbir oblys ortalyǵynda júrgizý kerek. Astana habynyń tájirıbesin keńinen paıdalanǵan jón», - dedi Prezıdent.