Óńirlik telearnanyń tanymaldylyǵyn qalaı arttyrýǵa bolady - telejúrgizýshi Aqyshev
«Eger óńirlik buqaralyq aqparat quraldary jaıynda aıtar bolsaq, qala úshin sol kúngi bir jańalyq qana barynsha mańyzdy bolady. Jańalyqtar toptamasy 15-20 mınýt júrgenimen jan-jaqty bolyp keledi. Astanada, Almatyda, Qazaqstanda, álemde ne bolyp jatqanyn aıtýdyń qajeti joq. Naqty bir oqıǵa tóńireginde aıtyńyzdar jáne naqty sol oqıǵanyń mán-jaıyn sizder ǵana tergeısizder. Amerıkalyq óńirlik nemese qalalyq telearna dál solaı jasaıdy», - dedi ol.
Onyń paıymynsha, jergilik telearnanyń úlken bıýdjetiniń bolmaýy jáne aýqymynyń tarlyǵy túzelmeıtin kemshilik emes. Kerisinshe, mundaı jaǵdaı qosymsha múmkinshilikter beredi.
«Respýblıkalyq telearnalarmen aqparat almasýǵa, tilshiler qosynyn qurýǵa qoryqpańyzdar. Kez kelgen telearnanyń kez kelgen dırektory sizdi áńgimelesý úshin zor rızashylyqpen qabyldaıdy. Shaǵyn degenimiz nashar nemese kedeı degendi bildirmeıdi. Qaıta shaǵyndar utqyr ári shıraq bolady. Úlken koroldikte sońǵy rólde bolǵannan góri ózińniń knıazdyǵyńda korol bolǵan jaqsy. Sondyqtan óz úılerińizde korol bolyńyzdar», - dedi Serik Aqyshev.