Óńirlik operatorlar tikeleı óndirýshiden kómirdiń 10%-yn aýktsıonda deldalsyz satyp alady
Básekelestikti qorǵaý jáne damytý agenttigi janyndaǵy Bırjalyq komıtet ázirlegen osy qaǵıdalar óńirlik operatorlardyń tikeleı óndirýshiden deldalsyz satyp alýy úshin qoljetimdi shaǵyn partııalarmen kómir razrezderi óndirgen kólemniń 10%-yn saýda-sattyqqa shyǵarýdy kózdeıdi.
«Qarajyra» AQ saýda-sattyq aǵymdaǵy jylǵy 24-28 mamyr aralyǵynda (5 jumys kúni) «Kaspıı» taýar bırjasy» AQ alańynda Nur-Sultan ýaqytymen saǵat 10:00-den 11:00-ge deıin josparlanǵan.
«Saýda-sattyq spot saýda-sattyq túrindegi D markaly kómir saýda quraly boıynsha ótedi, onda bırjalyq taýardy jóneltý saýda-sattyq ótkizilgen aıdan keıin úshinshi aıda, ıaǵnı shildede júzege asyrylady, jetkizý sharttary - FCA, jetkizý bazısi - Degeleń stansasy. Lot kólemi 350 tonna, saýdanyń jalpy kólemi 11 500 tonna, bazalyq baǵasy 5 682 tg/t.
Birinshi kúni saýda-sattyqqa 2 450 tonna (7 lot, munda 1 lot 350 tonna) aǵymdaǵy jylǵy shildege jetkizýmen 5682 tg/t bazalyq baǵa boıynsha shyǵaryldy, FCA jetkizý sharttary, Degeleń stansasy jetkizý bazısi», delingen habarlamada.
Saýda-sattyqqa 1 satyp alýshy ótinish berdi – «Sever Energo Ýgol Snab» JShS. Saýda-sattyq qorytyndysy boıynsha 1 mámile jasaldy:
| Baǵa | Kólem | Soma | Satýshy | Satyp alýshy | Kúni jáne ýaqyty |
| 5 682,00 | 700 | 3 977 400,00 | «Karajyra» AQ | «Sever Energo Ýgol Snab» JShS | 24.05.2021 10:10:16 |
«Shubarkól Kómir» AQ saýda-sattyq aǵymdaǵy jylǵy 25-31 mamyr aralyǵynda (5 jumys kúni) «Astana» Ámbebap taýar bırjasy» AQ alańynda Nur-Sultan ýaqytymen saǵat 09:30-dan 10:30-ǵa deıin josparlanǵan.
Saýda-sattyq aı saıynǵy aqy tóleý jáne kúntizbelik alty aıdan on eki aıǵa deıingi kezeńge jetkizý talabymen kelisim-sharttarmen saýda túrinde ótedi, bul rette bırjalyq taýardy tıep jóneltý saýda-sattyq ótkizilgen aıdan keıingi úshinshi aıdan jeltoqsanǵa deıin (qosa alǵanda) júzege asyrylady.
Jetkizý sharttary FCA, jetkizý orny Qyzyljar stansasy (KShH) nemese Shubarkól stansasy. Saýdanyń jalpy kólemi 147 220 tonna.
«Sektsııalyq qaǵıdalar boıynsha jer qoınaýyn paıdalaný kelisimshartyna sáıkes kómir óndirýdi júzege asyratyn kómir óndirýshiler (kómir razrezderi, kómir shahtalary) ne olardyń saýda ókilderi satýshylar bolyp aıqyndaldy. Satyp alýshylar - jergilikti atqarýshy organdardan berilgen aqparat negizinde taýar bırjasynyń akkredıtteýin alǵan, menshik quqyǵynda nemese ózge de zańdy negizderde tehnıkalyq jaraqtandyrylǵan temirjol tuıyǵy (tarazy tehnıkasy, tıeý-túsirý kóligi jáne t.b.) bar jáne kómirdi saqtaý men tıep-jóneltý jáne halyqqa jeke paıdalaný úshin ótkizý múmkindigi bar kóterme saýda jetkizýshileri nemese bólshek saýda satýshylary», delingen habarlamada.
Respýblıka boıynsha óńirlik operatorlardyń qalyptastyrylǵan tizbesi 99% gazdandyrylatyn úsh óńirdi (Atyraý, Batys Qazaqstan jáne Mańǵystaý oblystary) qospaǵanda, 174 zańdy tulǵany (187 tuıyqqa) qamtıdy. Óńirlik operatorlardyń qalyptastyrylǵan tizbesi barlyq taýar bırjalarynyń nazaryna jetkizildi.
Eske sala ketsek, 2015 jyly Ulttyq ekonomıka mınıstrligi kómir engizilgen bırjalyq taýarlar tizbesin bekitti. Osy tizbege sáıkes kómir óndirýshi kompanııalar 60 tonna partııa teń bolǵan nemese asyp ketken kezde kommýnaldyq-turmystyq kómirdi ótkizýdi taýar bırjalary arqyly ǵana júzege asyrýǵa mindetti. Kómirmen taýar bırjalary arqyly saýda jasaýdyń bul tájirıbesi túpkilikti tutynýshy úshin baǵanyń ósýine ákeledi. Qazirgi kezde QR IIDM 10% kóleminde taýar bırjasy arqyly satylýy tıis kommýnaldyq-turmystyq kómirdiń eń tómengi partııasyn joıý jáne eń tómengi úlesin belgileý jáne osy norma qoldanylatyn tulǵalar sanatyn bekitý bóliginde jumys júrgizip jatyr.
Bırjalyq saýdany damytý «negizgi qýatqa» qoljetimdilikti qamtamasyz etýge jáne baǵa belgileýdiń burmalanýyn joıýǵa arnalǵan Básekelestikti damytý jónindegi ulttyq jobanyń negizgi baǵyttarynyń biri bolyp tabylady. Bırjalyq saýda básekelestikti damytýdyń negizgi quraly bolyp tabylady, obektıvti naryqtyq baǵa ındıkatorlaryn qalyptastyrýǵa múmkindik beredi. Bırjadan tys baǵalar bırjalyq baǵalarmen salystyrylady, bolashaqta bırjadan tys baǵalar bırjaǵa jaqyn bolady, bul naryqtaǵy baǵa ahýalyn teńestiredi.