Óńirlik basylymdardy qoldaý tarıfteri ulǵaıady – Darhan Qydyráli

ASTANA. QazAqparat – Jergilikti BAQ-ty qoldaý tarıfterin ulǵaıtý josparlanyp otyr. Bul týraly óńirlik merzimdi basylymdar forýmynda Aqparat jáne qoǵamdyq damý mınıstri Darhan Qydyráli aıtty, dep habarlaıdy QazAqparat tilshisi.

«Aımaqtaǵy basylymdardy qarjylandyrý tetigi men erejelerin qaıta qarastyryp jatyrmyz. BAQ-qa beriletin memlekettik tapsyrystyń talaptaryn jeńildetýge múddelimiz. Atap aıtqanda, jergilikti BAQ-ty qoldaý tarıfteri 2019 jyldan beri ózgermegeni belgili. Soǵan baılanysty biz tarıfterdi ulǵaıtýdy josparlap otyrmyz. Bul sharalar jobalyq tásilde óńirlik memlekettik aqparattyq tapsyrysty qalyptastyrýǵa múmkindik beredi. Sondaı-aq jergilikti BAQ-qa jańa serpin berip, oń áser etedi degen úmittemiz», - dep málim etti Darhan Qydyráli.

Sonymen birge, mınıstr aldaǵy ýaqytta jýrnalısterge jaýap bermeıtin memlekettik qyzmetshiler jaýapkershilikke tartylatynyn málim etti.