Óńirlik BAQ alıansy nemen aınalysady

ASTANA. QazAqparat - QR Aqparat jáne kommýnıkatsııalar mınıstri Dáýren Abaevtyń aıtýynsha, búginde memlekettik tapsyrys aıasynda túsirilgen 150-ge jýyq teleónimdi aımaqtarǵa taratýǵa sheshim qabyldandy. Sonyń ishinde serıaldar, derekti fılmder men baǵdarlamalar bar, dep xabarlaıdy QazAqparat tilshisi.

«Jaqyn arada biz arnaıy kelisimshartty rásimdeımiz. Atalǵan qujattyń negizinde Aımaqtyq buqaralyq aqparat quraldarynyń alıansy óńirlerden túsken barlyq ótinimderdi zerdelep, jergilikti jerde sol teleónimderdi kórsetý jumysyn retteıtin bolady. «Habar» men «Qazaqstannyń» ishki erejelerine sáıkes, aımaqtarǵa berilgen ónimder úshin kóp aqsha alynbaıdy. Onyń kólemi 1000-aq teńge bolýy múmkin», - dedi Abaev Óńirlik BAQ forýmynyń ashylýynda.

Mınıstrdiń aıtýynsha, búgingi forým aıasynda aımaqtyq aqparat quraldarynyń ókilderi ótinim berip, naqty bir teleónimdi aldyrta alady.

Aıta keteıik, búgin Astanadaǵy «Qazmedıa» ortalyǵynda Óńirlik BAQ forýmy ashyldy .  Atalǵan shara «Astana Media Weeká aptalyǵy aıasynda ótýde .  Kúni keshe «Astana Digital Forum» da uıymdastyryldy .