Óńirlerge jastardyń resýrs ortalyqtary qajet pe – mınıstr jaýaby

ASTANA. QazAqparat – QR Aqparat jáne qoǵamdyq damý mınıstri Darhan Qydyráli eldegi jastardyń resýrs ortalyǵynyń tıimdiligi jóninde pikir bildirdi, dep habarlaıdy QazAqparat tilshisi.

«Elimizde qazir 231 jastar resýrstyq ortalyǵy jumys isteıdi. Olardyń tıimdiligi qandaı?», - dep suraq qoıdy Premer-Mınıstr Aqparat mınıstri Darhan Qydyrálige.

Óz jaýabynda D. Qydyráli 231 ortalyqtyń 16-sy oblystyq, 37-si qalalyq jáne 178-i aýdandyq deńgeıde ekenin atap ótti.

«Ásirese, aýdan-aýyl jastaryna úlken qoldaý bolyp otyr, ártúrli keńester, konsýltatsııalar alady. Sonyń ishinde jumysqa nemese túrli baǵdarlamalarǵa qujat tapsyrǵandar osy ortalyqqa keledi. Bul jerde qazir 2800 adam jumys isteıdi. 450 myńnan astam adam jastar resýrstyq ortalyǵynan keńes alǵan, onyń 70 protsentten astamy jalpy qanaǵattanýshylyq sezim bildirgen», - dedi Aqparat mınıstri Úkimettiń búgingi otyrysynda.

Sondaı-aq ortalyqqa júgingen jastardyń 20 protsenti turaqty jumysqa ornalasty, 20 protsenti – túrli keńester aldy.

«Sondyqtan jastar resýrstyq ortalyqtarynyń jumysyn tıimdi dep baǵalaımyz», - dedi Darhan Qydyráli.

Aıta keteıik, búgin Úkimet otyrysynda 2023-2029 jyldarǵa arnalǵan memlekettik jastar saıasaty tujyrymdamasy qaraldy.

Tujyrymdamaǵa sáıkes, 2029 jylǵa deıin 1 mıllıon aýyl jastary jumyspen qamtylady.

NEET sanatyndaǵy jastardyń úlesi 6,7%-dan 3,5%-ǵa deıin tómendeıdi.