Óńirlerge shyǵatyn úkimettik jumys toby QR aımaqtarynyń qysqa daıyndyq deńgeıin zertteýde
Bul týraly QR Premer-Mınıstriniń orynbasary Qyrymbek Kósherbaev habarlady.
«Memleket basshysynyń Úkimet jáne ákimderge úsh negizgi suraqty baqylaýda ustaýǵa tapsyrma bergenin bilesizder. Birinshisi - qysqa daıyndyq, ekinshisi - baǵalardyń negizsiz ósýin boldyrmaý, úshinshisi - aımaqtardy 2012 jyly áleýmettik-ekonomıkalyq damytý baǵdarlamasyn tıimdi júzege asyrylýyn qamtamasyz etý. Elbasynyń tapsyrmalaryn iske asyrý maqsatynda Premer-Mınıstr óńirlerge shyǵý arqyly aımaqtardaǵy jaǵdaımen tanysatyn úkimettik jumys tobyn qurdy», - dedi Q.Kósherbaev Qaraǵandy oblysyna jasaǵan jumys saparynyń barysynda jýrnalısterge bergen suhbaty kezinde.
Ol sondaı-aq úkimettik jumys tobynyń qazirgi kezdegi problemalyq máselelerdi sheshetinin atap ótti. «Eger ortalyq organdar men Úkimettiń aralasýyn talap etetin máseleler bar bolsa, biz olardy qarastyryp, qajetti sheshimderdi qabyldaımyz», - dep atap ótti Úkimet basshysynyń orynbasary.
Oblys ákiminiń baspasóz qyzmetinen habarlaǵandaı, jaqynda Qyrymbek Kósherbaev bastaǵan úkimettik jumys toby Jezqazǵan aımaǵyna baryp, Jezqazǵan, Sátbaev qalalary men Ulytaý aýdanyndaǵy birqatar nysandarmen tanysty. Atap aıtqanda, úkimettik jumys tobynyń músheleri «Jezqazǵan-Beıneý» tas jolyn salý boıynsha jobanyń iske asyrylý barysyn kórdi. Olar «Qazaqmys» korporatsııasy» JShS-niń Jezqazǵan JES-da boldy.
Búgin jumys sapary Qaraǵandyda jalǵasty. Úkimettik jumys tobynyń músheleri «Eýrazıan Fýds» JShS-ne, «Saryarqa» arnaıy ekonomıkalyq aımaǵyna, sondaı-aq qaraǵandylyq JES-3-ke sapar jasady.
Sapar baǵdarlamasyna sáıkes sondaı-aq Temirtaý jáne Sarandaǵy birqatar nysandarǵa barýy josparlanǵan.