Óńirlerge kómir jóneltý ýaqytyly júrgizilýde – Beıbit Atamqulov

NUR-SULTAN. QazAqparat – Óńirlerge kómir jóneltý ýaqyty júrgizilýde. Bul týraly Senattyń jalpy otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Kómir baǵasyn ósirmeý úshin biraz is-shara qabyldadyq. Eń aldymen kómir óndiretin iri kompanııalarmen Qarajyra, Bogatyr, Shubarkólmen memorandýmǵa qol qoıylyp, turaqty baǵaǵa kelistik. Baǵalary 5 200-den bastalady. Eń qymbaty Shubarkól kómiriniń tonnasy 5 700 teńgeden bolady», - dedi mınıstr Senat depýtattarynyń saýalyna oraı.

Onyń aıtýynsha, bıylǵy jylytý maýsymynda óńirlerden 9,3 mln tonna kómirge suranys bolǵan. Qazirgi ýaqytta bul kólemniń 8,8 mln tonnasy óńirlerge jónetildi.

«Búgingi tańda vagondar ýaqytyly berilip jatyr. Kómir kenishterindegi baǵa turaqty. Kómir óńirlerge jetkizilgende olardyń ózderiniń bólý ortalyqtary bar. Qazirgi ýaqytta Shubarkól kómirine suranys kóp bolǵandyqtan qarasha aıynda 484 myń tonna kómirge qosymsha tapsyrys berdik. Kómir ýaqyty tıelip jóneltilip jatyr. Óńirlerden taǵy suranys bolsa, onda kómir kólemin arttyrýǵa daıynbyz»,- dedi Beıbit Atamqulov.